Horazm Ma'mun akademiyasi tomonidan «Hiva tarixidan lavhalar» kitob-al'bomi o'zbek va rus tillarida nashr etildi, deb xabar bermoqda «Dunyo» AA.
O'zbekiston Fanlar akademiyasi ma'lumotiga ko'ra, ushbu kitob-al'bomda Hiva shahrining vujudga kelishi, ijtimoiy hayoti, aholining etnik tarkibi, hunarmandchilik, dehqonchilik mashg'ulotlari, xivaliklar madaniyati va san'atiga doir qimmatli ma'lumotlar. qo'lyozma asarlar, arxiv ma'lumotlari, elchi va sayyohlarning esdalik va xotiralari, nodir manbalar asosida ilk bor to'la yoritilgan.
Kitob-al'bom mahalliy va xorijiy sayyohlar, oliy o'quv yurti talabalari, gid-yo'lboshlovchilar hamda yurtimiz tarixi bilan qiziquvchi keng o'quvchilar ommasiga mo'ljallangan.
Mazkur kitob-al'bomning afzaligi shundaki, barcha ma'lumotlar yangi va noyob manba hamda adabiyotlar asosida yoritilgan. Shuningdek, kitobda mavzuga doir ko'plab nodir suratlarning mavjudligi har qanday o'quvchini o'ziga jalb qila oladi.
O'zbekiston musulmonlari idorasi matbuot xizmati
Alloh taolo aytadi: “Kim Allohga taqvo qilsa, U unga (tashvishlardan) chiqish yo‘lini (paydo) qilur”, (Taloq surasi, 2-oyat).
Izoh:
- Ibn Abbos roziyallohu anhu oyati karimaning “chiqish yo‘li” qismini “dunyo va oxiratdagi har turli tashvishlardan uni qutqaradi”, deb tafsir qilganlar.
- Ali ibn Solihga ko‘ra, “chiqish yo‘li” Alloh taoloning o‘sha bandaga rizq berish bilan uni xushnud etishidir.
- Kalbiy oyatni bunday tafsir qiladi: “Kim musibat paytida sabr qilib, Allohdan qo‘rqsa, Parvardigor unga do‘zax otashidan jannat sari bir chiqish yo‘li ko‘rsatadi”.
- Abul Oliya oyatni: “Turli mashaqqat va tashvishlardan chiqish yo‘li”, deya sharhlagan bo‘lsa,
- Rabi’ ibn Haysam: “Odamni siqadigan hamma narsadan unga chiqish yo‘li ko‘rsatadi”, shaklida tafsir qilgan.
- Husayn ibn Fazlga ko‘ra, oyat tafsiri bunday: “Kim farzlarni ado etish borasida Allohdan qo‘rqsa, Alloh unga jazolanishdan qutulish yo‘lini ko‘rsatadi”.