Sayt test holatida ishlamoqda!
12 Noyabr, 2025   |   21 Jumadul avval, 1447
search icon
Avvalgi sayt
ЎЗ РУ EN AR

Toshkent shahri
Tong
05:46
Quyosh
07:07
Peshin
12:12
Asr
15:25
Shom
17:10
Xufton
18:25
Bismillah
12 Noyabr, 2025, 21 Jumadul avval, 1447
Avvalgi sayt
#search
 YouTube

Ziyoratchilar Payg'ambar yurtiga etib borishdi

22.01.2022   1856   4 min.
Ziyoratchilar Payg'ambar yurtiga etib borishdi

Bugun, 22 yanvar' erta tongda “Umra – 2022” mavsumining ilk ziyoratchilari Toshkent xalqaro aeroportidan Saudiya Arabistoniga jo'nab ketgani xaqida xabar bergan edik.

Allohga shukr, bugunning o'zida dastlabki ziyoratchilar Jidda shahriga etib borishdi. U erda bir muddat hordiq olgach, zamonaviy avtobuslarda Madina shahriga yo'l olishdi. Ziyoratchilarimiz Payg'ambar alayhissalom shahrida barcha shart-sharoitlarga ega bo'lgan mehmonxonaga joylashadilar. Endilikda Masjidu Nabaviy va Ravzai muborakni ziyorat qilishga, yaqinlari tomonidan iltimos qilingan salomlarni Rasululloh sollallohu alayhi vasallamga etkazishga kirishishadi, insho Alloh.

Ikki yillik tanaffusdan so'ng boshlangan umra ziyorati barcha mo'min-musulmon vatandoshlarimizni behad shod etgani, shubhasiz. Ayniqsa, tabarruk zaminda bo'lib turgan umra ziyoratchilari xursandchiligining adog'i yo'q.

Ziyoratchilarimiz Alloh taologa O'zining muborak zaminiga etkazgani uchun hamdu sanolar aytishib, sog'inch ila kutilgan kunlarga etishgani uchun shukronalar qilishmoqda.

Alloh taolo umra ziyoratini boshlagan hamyurtlarimizning safarlarini xayrli va barakali qilsin, muborak ziyoratni barcha mo'min-musulmonlarga nasib etsin!

Umra safari tafsilotlarini sayt va ijtimoiy tarmoqdagi sahifalarimizda kuzatib boring.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Yangiliklar

“Islom fiqhi asoslari” — mazhablarning ilmiy asoslarini ochib beruvchi muhim asar

12.11.2025   558   1 min.
“Islom fiqhi asoslari” — mazhablarning ilmiy asoslarini ochib beruvchi muhim asar

So‘nggi paytlarda “Mazhab nimaga kerak?”, “O‘zimiz Qur’on va sunnatdan hukm olsak bo‘lmaydimi?” deguvchi toifalarga raddiya bo‘ladigan kitoblarga yurtimizda ehtiyoj katta edi.

Bu borada O‘zbekiston musul­monlari idorasi raisi­ning birinchi o‘rinbosari Ustoz Homidjon qori Ishmatbekovning “Islom fiqhi asoslari. To‘rt mazhab imomlari” kitobi ayni shu savollarga yechim sanaladi.

Ushbu kitobda Islom fiqhining paydo bo‘lish tarixi va ildizlari, mavjud to‘rt mazhabning aynan Qur’on va sunnatga asoslangani va dinimizning zamonlar osha yuzaga keladigan muammolarni hal qilishda aynan mazhab ulamolari joriy qilgan usul va qoidalarga asoslanishi bayon etilgan.

Shuningdek, kitobda “Qur’onning bo‘lak-bo‘lak holda nozil qilinish hikmati”, “Makkiy va madaniy suralarning bir-biridan farqi”, “Payg‘ambar alayhissalomning o‘z sahobalariga ijtihod qilishga ruxsat berishlari”, “xulafoi roshidin davrida shariat”, “Islom shariatining uchinchi manbasi ijmo’”, “tobe’inlar va tabaa tobe’inlar davrida ijtihod” kabi mavzular ham bayon etilgan. 

Bir so‘z bilan aytganda, “Islom fiqhi asoslari” kitobini har bir mo‘min-musulmon o‘qib chiqishi shart bo‘lgan kitoblar sirasiga kiritish mumkin.

O‘zbekiston musulmonlari idorasi Matbuot xizmati
 

O'zbekiston yangiliklari
#logo