UMRAChILARNI KUZATISh JARAYoNI ON-LAYN UZATILADI
Allohga shukrki, ikki yil sabr ila kutilgandan so'ng umra ziyorati boshlanmoqda! Ertaga, 22 yanvar' kuni tongda o'zbekistonlik ziyoratchilarning ilk guruhlari Umra amallarini ado etish uchun Saudiya Arabistoniga jo'nab ketadilar.
Erta saxar soat 04:30 dan boshlab, umrachilarning kuzatish jarayonlari, quvonchu shodliklari va dil so'zlarini ijtimoiy tarmoqlarimiz orqali ? On-layn efirda tomosha qiling!
Muborak safarga otlangan fuqarolarimiz Toshkent xalqaro aeroportida zamonaviy samolyotlar orqali tabarruk zaminga yo'l oladilar.
Makka va Madina shaharlarida barcha sharoitlarga ega mehmonxonalar, tajribali ishchi guruhi, malakali shifokorlar hamda ikki Harami sharif masjidi ziyoratchilarimizga muntazir bo'lmoqda.
Alloh taolo umraga otlanganlarning safarlarini muborak qilsin, Baytullohni tavof qilishni barchamizga nasib etsin!
O'zbekiston musulmonlari idorasi Matbuot xizmati
muslim.uz
Mustaqillik shukuhi — ezgulik va saxovat timsoli
Mustaqilligimizning 35 yilligi munosabati bilan yurtimizda tinchlik, mehr-oqibat, saxovat va insonparvarlik kabi yuksak qadriyatlarni keng targ‘ib etishga qaratilgan xayrli tadbirlar amalga oshirilmoqda.
Jumladan,13 avgust kuni Xorazm viloyati bosh imom-xatibi Xayrulla domla Abdullayev boshchiligida tuman bosh imom-xatiblari, otinoyilar, «Haj–2026» ziyoratidan qaytgan hoji otalar va hoji onalar hamda mahalla faollari ishtirokida Urganch shahridagi «Oxun bobo» jome masjidida sayyor yig‘ilish o‘tkazildi. Tadbirda Xorazm viloyati hokimi o‘rinbosari R.Sobitov ishtirok etdi. Tadbir doirasida «Mustaqillik shukuhi» shiori ostida Urganch shahridagi boquvchisini yo‘qotgan, yetim, nochor va kam ta’minlangan oilalardan 100 nafariga VAQF jamoat fondi viloyat bo‘limi bilan hamkorlikda moddiy yordamlar ko‘rsatildi. Bu xayrli amal orqali ehtiyojmand oilalar holidan xabar olinib, ularga moddiy ko‘mak va samimiy mehr-e’tibor ulashildi.
O‘zbekiston musulmonlari idorasi Xorazm viloyati vakilligi matbuot xizmati