Haydaroboddagi mashhur Salar Yung muzeyi dunyodagi eng katta antiqa buyumlar va bir kishiga tegishli san'at asarlari kollektsiyasiga ega bo'lib, islom san'atining eksklyuziv galereyasini ochadi.
Islam.ru portali xabariga ko'ra, ushbu galereya muzeyning turli qismlarida namoyish etiladigan 2 500 noyob islomiy artefaktlardan tashqari, hech qachon omma oldida namoyish etilmaganlari uchun ham joy topadi. Hozirgi kunda islom san'atining bu xazinalari hind, Yaqin Sharq, Yevropa va Uzoq Sharq san'ati kollektsiyalari bilan turli galereyalarda tarqalgan.
Islom san'atining eksklyuziv galereyasi islom san'atining barcha shakllarini bir joyda taqdim etadi.
Islom san'ati galereyasi ancha oldin ochilishi kerak edi, lekin Covid-19 bu ishga o'z ta'sirini o'tkazdi. Biroq endi ish tezlashdi va 2022 yilning oxiriga kelib galereya ochishga tayyor bo'ladi.
Salar Yung muzeyidagi san'at asarlarining kollektsiyasi juda katta va turli xil bo'lib, dunyodagi uchta muzey — Viktoriya va Al'bert muzeyi, Britaniya muzeyi (Britaniyada joylashgan) va N'yu-Yorkdagi Metropoliten muzeyi bilan raqobatlasha oladi.
O'zbekiston musulmonlari idorasi matbuot xizmati
Sobit ibn Ibrohim tahorat ola turib ariqda oqib kelayotgan bir olmaga ko‘zi tushadi va olmani olib yeydi. Olmaning yarmini yeb bo‘lganida, uning haqqi haqida o‘ylab qoladi. Shu xayolda Sobit ibn Ibrohim ariq chetidan yurib olma oqib chiqqan bog‘ga kiradi va bog‘ egasiga:
– Yeb qo‘ygan yarimta olmam uchun haqqingizni halol eting. Qolgan yarmi mana, oling, – deydi.
– Mayli, haqqimni halol etaman, faqat bir shartim bor, – deydi bog‘ egasi yigitning halol, taqvoli ekanini anglab.
– Shartingizni ayting, – deydi Sobit ibn Ibrohim.
Shunda bog‘ egasi:
– Bir qizim bor, uni nikohingga olasan. Lekin rozi bo‘lishingdan avval uning holatidan seni ogoh etishim lozim. Qizimning ko‘zi ojiz, hech narsani ko‘rmaydi, soqov – gapirmaydi va yana qulog‘i eshitmaydi – kar, qimirlamaydi – shol, – deydi.
Bog‘ egasining gaplarini eshitgan Sobit ibn Ibrohim lol bo‘lib qoladi. Yeb qo‘ygan yarimta olmaning haqqidan qo‘rqib, qizga uylanishga rozi bo‘ladi va:
– Mayli, taklifingizni qabul qildim, zora shu bilan Allohning roziligiga erishsam, – deydi.
Ota qiziga oq fotiha beradi. To‘y-tomoshalar o‘tgach, Sobit ibn Ibrohim salom berganicha qizning yoniga kiradi. Qiz salomga alik qaytargancha qo‘li ko‘ksida qulluq qiladi.
Yigit bo‘layotgan ishlardan hayratlanadi: “Bu juda g‘alati-ku, soqov emas ekan-da, salomimga javob berdi. Tik turibdi, demak shol ham emas. Qo‘li ko‘ksida, bundan chiqdi ko‘zlari ham ko‘radi”.
Yigit shoshgancha tashqariga chiqadi va qizning otasiga: “Bu menga va’da qilingan qiz emas-ku, ko‘r, soqov, kar va shol deganingizning boisi ne?!” – deydi.
“Nega endi?” – izoh beradi qizning otasi: “Bu o‘sha qiz. Ko‘zi ojiz deganim – uning ko‘zlari Alloh harom qilgan narsaga boqmagan, qulog‘ining karligi – Alloh harom qilgan narsalarga quloq tutmagan, soqovligi ham rost, chunki tili Allohning zikrigagina aylangan, sholligi – yomon ishga yurmagan”.
Sobit ibn Ibrohim birovning haqqidan qo‘rqqanligi evaziga oliy mukofotga erishadi. Vaqt o‘tishi bilan uning ayoli yer yuzini ilm va fiqhga to‘ldirajak bir zotga, buyuk Imom Abu Hanifaga homilador bo‘ladi.