Illinoys shtati (AQSh) 17 yanvar' kuni turli dindagi amerikaliklar tomonidan qo'shilgan hissani tan oluvchi yangi qonunchilik doirasida birinchi marta Muhammad Ali kuni nishonlandi.

Ushbu tadbirni nishonlash uchun Illinoys musulmon jamoat birlashmasi yuqori martabali faollar, jumladan, muhtaram Jessi Jekson, leytenant gubernator Juliana Stretton, Chikago Tarix muzeyi prezidenti Donal'd Lasser, Alining qizi – Mariam Ali va boshqa mashhur shaxslar ishtirokida davra suhbati o'tkazmoqda.

Islam.ru portali xabariga ko'ra, tarixdagi birinchi Muhammad Ali kuni haqidagi axborotni tarqatish uchun tashkilotchilar 10 000 ta plakatlarni buyurtma qilishdi. Har bir istagan odam musulmon tashkilotining veb-saytida topilgan Google shaklidan foydalangan holda bepul plakatni so'rab olishi, uyda, ishda, sinfda yoki idorada osib qo'yishi mumkin.

Plakatlar bilan bir qatorda, har bir kishi afsonaviy sportchining biografiyasini aytib beradigan bepul va oddiy darsliklar to'plamiga ega bo'lishi mumkin.

O'zbekiston musulmonlari idorasi matbuot xizmati