O'zbekiston Fanlar akademiyasi Milliy arxeologiya markazi tomonidan «G'arbiy turk xoqonligi: tarix va tanga-pul tizimi» nomli monografiya chop etildi, deb xabar bermoqda «Dunyo» AA.

Fanlar akademiyasi tomonidan taqdim etilgan ma'lumotda qayd etilishicha, ushbu monografiya o'zbek davlatchiligi tarixida yuksak o'rin tutadigan G'arbiy turk xoqonligi (568-740-yy.) tarixi va tanga-pul tizimining dolzarb masalalariga bag'ishlangan.

Monografiya ijtimoiy-gumanitar fanlar, shu jumladan, tarix, arxeologiya, etnologiya va lingvistika sohalari uchun birlamchi yoki yordamchi qo'llanmalardan biri sifatida xizmat qiladi.
Nashrda O'zbekiston hududidagi qadimiy shahar qoldiqlaridan topilayotgan osori-atiqalarga oid materillar o'rin olgan bo'lib, bunday qadimiy ashyolar Markaziy Osiyoning boshqa mamlakatlarida deyarli uchramaydi.

Monografiyadan Yevrosiyo xalqlari, shu jumladan, turkiy xalqlar tarixi, numizmatikasi, etnologiya va linvistikasi uchun yordamchi material sifatida foydalanish mumkin.

O'zbekiston musulmonlari idorasi matbuot xizmati