Vaqtni g'animat bilishga yordam beradigan eng muhim narsalar sifatida quyidagilarni aytish mumkin:
1. ishlarni tartiblash;
2. bekorchilik va behuda o'tirishlardan uzoqlashish;
3. barcha ishlarda ortiqchalaridan voz kechish;
4. vaqtu daqiqalarni qadrlaydigan oqil, zakiy va tirishqoq kishilar bilan do'st bo'lish;
5. tarjimai hollari kishini rag'batlantiradigan buyuk ulamolar haqidagi xabarlarni o'qish;
6. ilmiy yutuqlarga erishishda vaqtga e'tibor berish lazzatini tuyish;
7. mutolaadan lazzatlanish;
8. ma'rifat va xabardorligini oshirishda bardavom bo'lish;
9. ma'lumotlarni tahqiq qilishda to'liq band bo'lish va hokazolardir.
Bularning bari sizga vaqt qadrini hamda uni muhofaza qilishni anglatadi. Sizni vaqtni yo'q qiluvchi emas, uni kasb qiluvchi qilib, vaqtni zoye qiluvchi emas, uni muhofaza etuvchi qilib tarbiyalaydi.
"Ulamolar nazdida vaqtning qadri" kitobidan.
Savol: Namozga “Allohu akbar”, deb quloq qoqishda “Allohu akbar” dagi “r” ga kelganda ikki qo‘lni bosh barmog‘i quloq yumshog‘iga tegiziladimi? Shunday deb, eshitdim.
Javob: Bismillahir Rohmanir Rohiym. Namozga kirishda avval ikki qo‘lni yuqoriga ko‘tarib, bosh barmoqlarni quloqning yumshoq joyiga tegiziladi. So‘ng “Allohu akbar”, deb, namozga kirishiladi.
Bu haqida Faqih Abu Ja’far rahimahulloh bunday zikr qilganlar: “Ikki kaftini ichki taraflari bilan qiblaga yuzlanadi va panjalari yozadi hamda qo‘llarini yuqoriga ko‘taradi. Qachonki, ikki bosh barmog‘i ikki quloqlarining yumshoq joylariga tegsa, “Allohu akbar” deb namozga shuru’ qiladi.
Shamsulaimma Saraxsiy rahimahullohga ko‘ra, barcha mashoyixlar shunga ittifoq qilganlar (“Muhiyt” kitobi). Vallohu a’lam.
O‘zbekiston musulmonlari idorasi
Fatvo markazi.