Sayt test holatida ishlamoqda!
24 Iyul, 2025   |   29 Muharram, 1447

Toshkent shahri
Tong
03:34
Quyosh
05:11
Peshin
12:35
Asr
17:37
Shom
19:52
Xufton
21:21
Bismillah
24 Iyul, 2025, 29 Muharram, 1447

Autizmga chalingan 5 yoshli qizaloq Qur'onni to'liq yodladi

17.01.2022   1379   1 min.
Autizmga chalingan 5 yoshli qizaloq Qur'onni to'liq yodladi

Sari Azzam - autizmdan aziyat chekayotgan, ammo hayratga soluvchi iste'dod egasi bo'lgan besh yoshli suriyalik qizaloq bir necha tillarni o'rgandi va butun Qur'onni yodlab oldi.
U ikki yoshida autizm kasalligiga chalingan, ammo Suriyadagi mutaxassislar uni daho deb hisoblashadi. Qiz har kuni ingliz, frantsuz, koreys, yapon, yunon va ispan tillarini o'rganadi. Unga butun Qur'onni yodlash uchun ikki yil vaqt kerak bo'ldi. Sari murakkab matematik tenglamalarni ham echishi mumkin.

Autizm va Daun sindromi bo'yicha mutaxassis Majd Al-Alusiyning aytishicha, autizm til o'rganish kabi murakkab vazifalarni bajara olishi uchun Sariga o'zgacha qobiliyatni ato etgan. Biroq shifokorning so'zlariga ko'ra, qizaloqning muloqot qilish ko'nikmalarini rivojlantirish uchun doimiy qo'llab-quvvatlash kerak.

Islam.ru portalining xabariga ko'ra, Alusiy "aniq ko'rish xotirasi"ni Sarining ko'plab iste'dodlaridan biri deb atadi. Boshqa ko'plab suriyalik oilalar singari bu oila ham uzoq yillar urush va majburiy ko'chishdan azob chekdi va iste'dodli qizning bilimga bo'lgan chanqog'ini qondirish uchun qalam va planshetdan boshqa hech narsa bilan ta'minlay olmaydi.

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

Mo‘min va fojir vafot etsa

21.07.2025   3999   1 min.
Mo‘min va fojir vafot etsa

Abu Qatoda roziyallohu anhudan rivoyat qilinadi:

«Rasululloh sollallohu alayhi vasallamning oldilaridan bir janoza olib o‘tildi, shunda u zot alayhissalom: "Tin oluvchi va undan tin olinuvchi"dedilar.

"Yo Allohning Rasuli, tin oluvchi va undan tin olinuvchi nima?" deyishdi.

U zot alayhissalom: "Mo‘min banda (vafot etsa) dunyoning qiyinchiliklaridan istirohat oladi. Fojir banda (o‘lsa) undan bandalar, elu yurtlar, dov-daraxtlar va jonzotlar qutuladilar"dedilar» (Imom Buxoriy va imom Muslim rivoyati).

 

Abdulloh ibn Umar roziyallohu anhumodan rivoyat qilinadi:

«Rasululloh sollallohu alayhi vasallam: "Birortangiz vafot etganida unga o‘rni ertayu kech ko‘rsatib turiladi: agar jannat ahlidan bo‘lsa, jannat ahlidan ekani, do‘zax ahlidan bo‘lsa, do‘zax ahlidan ekani. "Alloh seni qiyomat kuni qayta tiriltirgunicha sening o‘rning mana shudir", deyiladi", dedilar» (Imom Buxoriy va imom Muslim rivoyat qilishgan).