Turkiya Prezidenti Rajab Toyib Erdo'g'anning aytishicha, musulmonlar o'sib borayotgan islomofobiya qarshisida o'zaro birlik va hamjihatlikni o'rnata olsagina mutlaq tinchlik va totuvlikka erishadi.

Chikagoda Shimoliy Amerikada har yili bo'lib o'tadigan eng yirik Islom anjumanlaridan biri Amerika musulmon jamiyati (MAS) va Shimoliy Amerika Islom doirasi (ICNA) anjumanida translyatsiya qilingan telemurojaatida so'zga chiqqan Erdo'g'an birlik va musulmonlarga nisbatan ijobiy munosabat muhimligini ta'kidladi.

"Biz pandemiya paytida kuchaygan musulmonlarga qarshi nafrat, ksenofobiya va madaniy irqchilikka qarshi hamjihatlikni kuchaytirishimiz kerak, musulmonlar birlashishi, madaniy va etnik farqlarni yo'q qilish zarur", - dedi u.

"Barcha musulmonlar kelib chiqishi, terisining rangi, millati, madaniyati, mazhabidan qat'i nazar, aka-uka va opa-singillardir", - dedi Erdo'g'an.
"Zamonamizning o'sib borayotgan qiyinchiliklari fonida musulmonlar begonalashmasligi va o'z kuchiga ishonib, jamiyatda munosib o'rin egallashga intilishlari kerak", - dedi Turkiya rahbari.

Qo'shma Shtatlardagi eng yirik islom anjumanlardan biri seshanba kuni Chikagoda uch kunlik qizg'in uchrashuvlardan so'ng yakunlandi. Tadbir "qiyinchiliklardan keyingi engilliklar" shiori ostida o'tkazildi.

Islom anjumanlaridan biri Amerika musulmon jamiyati (MAS) va Shimoliy Amerika Islom doirasi (ICNA) tomonidan uyushtirilgan 20- har yillik s'ezd 26 dekabrdan 28 dekabrgacha bo'lib o'tdi. Joriy yilda tadbir tashkilotchilari tomonidan barcha ishtirokchilar uchun majburiy emlash siyosati joriy etildi.

S'ezd davomida barcha ko'ngillilar va barcha ishtirokchilar to'liq emlashdan o'tishlari yoki COVID-19 ga salbiy test natijalarini taqdim etishlari kerak edi. Intensiv seminarlar, davra suhbatlari, badiiy ko'rgazmalar, fil'mlar, iste'dodlar shousi va bozor
S'ezd dasturining bir qismiga aylandi.

Islam.ru xabariga ko'ra, 90 dan ortiq taniqli amerikalik musulmonlar, jumladan, turli dinlarning ko'plab vakillari tomoshabinlarga murojaat qilishdi. Mashhur olimlarning ma'ruzalarini tinglash uchun 20 mingga yaqin musulmon yig'ildi.

O'zbekiston musulmonlari idorasi matbuot xizmati