Insonning qalbi temirga o'xshaydi, suv tekkan temir zanglaganidek, qalb ham zanglab turadi. Shu sababli inson doimo qalbiga e'tibor berishi va uning zangini ketkazib turishi lozim.
Insonning qalbidagi zangni ikki narsa ketkazadi. Bu ikki narsaning biri o'limni eslash bo'lsa, ikkinchisi esa Qur'oni karimni o'qishdir.
Payg'ambarimiz sollallohu alayhi vasallam: “Bu qalblar ham xuddi temir suv tekkanda zanglagani kabi zanglaydi”, dedilar. Shunda: “Yo Allohning Rasuli, nima qalbni sayqallaydi, zangini ketkazadi?” deyildi.
Rasululloh sollallohu alayhi vasallam: “O'limni eslash va Qur'on tilovat qilish”, dedilar (Imom Bayhaqiy rivoyati).
Alloh taolo qalblarimizni doimo pok holda bo'lishini barchamizga nasib aylasin!
R. AKBAROV,
O'zbekiston musulmonlar idorasining
Qashqadaryo viloyat vakilligi xodimi
Bismillahir Rohmanir Rohiym
Buyuk muhaddis Imom Termiziy rahimahullohning ushbu asari – Rasululloh sollallohu alayhi vasallamning muborak hayotlari, go‘zal axloqlari va siyratlarini o‘rganishga bag‘ishlangan.
Ulug‘bek domla Nasriddin o‘g‘li,
Mir Arab o‘rta maxsus va oliy madrasasi mudarrisi.