Sayt test holatida ishlamoqda!
11 Iyun, 2025   |   15 Zulhijja, 1446

Toshkent shahri
Tong
03:05
Quyosh
04:49
Peshin
12:28
Asr
17:38
Shom
19:59
Xufton
21:37
Bismillah
11 Iyun, 2025, 15 Zulhijja, 1446

Immunitetni ko'tarish uchun nima qilish kerak?

28.12.2021   5514   5 min.
Immunitetni ko'tarish uchun nima qilish kerak?

Qish mavsumida ko'pchilikni: “Immunitetni qanday ko'tarish mumkin”, degan savol ko'p o'ylantiradi. Aksariyat kishilar shamollash, angina, tamoq yallig'lanishi kabi keng tarqalgan kasallardan himoyalanish, immunitetni kuchli qiluvchi ishonchli “mo'jizali” dorini sotib olish uchun dorixonalarda turna qator navbatda turish va katta harajat qilishga ham tayyormiz.

 Famatsevtika sohasi bugun qanday muvoffaqiyatga erishgan bo'lmasin, immunitetni mustahkamlaydigan “mo'jizali” davo vositasini haligacha kashf qilolgani yo'q. Bundan umidsizlanishga aslo shoshmang! Sog'likni mustahkamlash uchun dorixonaga borish shart emas. Bu borada dinimizga amal qilish samaraliroq. Quyida jismimizni kuchli va immunitetni “qattiq yong'oq”dek mustahkam qilishning eng yaxshi usullarini ko'rib chiqamiz.

Tahorat

 

 Har bir musulmon uchun kundalik odat bo'lgan tahorat nafaqat namozning, balki sog'liqning ham kalitidir. Olimlar tahoratning inson yurak qon-tomir tizimiga juda foydali ekanini aniqlashgan. Ayniqsa, sovuqroq suvda qilingan tahorat tanani qattiqlashtiradi. Og'iz va burunni muntazam yuvish viruslarni rivojlanishiga to'sqinlik qiladi. Umuman barchasi oddiy: tahorat qiling – sog'lom bo'ling!

Zanjabil

Bu jannat ildizida bakteriya va yallig'lanishga qarshi, mikroblardan himoyalovchi xususiyat mavjud. Zanjabil qish mavsumida, ayniqsa, uyimizda bo'lishi kerak. Ushbu achchiq ildiz juda foydali bo'lib, unda S, V vitaminlari hamda inson tanasidagi shikastlangan hujayralarni davolovchi va yangilovchi retinol moddasi bor.  

Asal

Qur'onda kelgan yana bir dori – asaldir. Bu mahsulot immun tizimining ajralmas qismi hisoblanadi. E'tibor bering: inson qoni va asalning kimyoviy tarkibi juda o'xshash: Qonimizda 24, tabiiy asalda 22 mikroelement mavjud. 

Shamollash bilan bog'liq kasalliklar oldini olishda tabiiy asal va yong'oq aralashmasi eng yaxshi vositadir. Bunda yong'oqning har qanday turidan foydalanish mumkin. Asosiysi, tayyorlanayotgan davo vositasiga etarlicha qo'shishdir.

Qora zira

Qora zira kuchli tabiiy immunitet manbai bo'lib, tanaga yumshoq ta'sir qiluvchi davo vositasidir. O'simlikning faol moddasi bo'lgan timoxinon tanani himoya qilish va kasallikka chidamlilikda asosiy o'rin egallaydi.  

Tananing himoya xususiyatlarini oshirish uchun uning yog'ini ertalab och qoringa nonushtadan bir soat oldin va kechqurun yotishdan oldin qabul qilish tavsiya etiladi. Katta yoshlilar uchun bir choy qoshiq me'yor hisoblanadi. 

Shambala (Hel'ba)

“Agar odamlar shambalaning qanchalik foydaliligini bilganida uni oltin narxida bo'lsa ham sotib olardi”. Olimlar izlanishi tufayli bu ajoyib o'simlik foydalari haqida bilamiz. Ammo biz negadir dorixonaga foydasi yuz yillar oldin isbotlangan oltin urug'lar uchun emas,  balki farmatsevtika sanoatining samaradorligi reklama shiorlarida mavjud bo'lgan navbatdagi ixtirosining izidan quvishda davom etyapmiz.

Shunday qilib, shambalaning urug'i yuqumli kasallik asoratlari, kuyish, shamollashdan xolos bo'lishga yordam beradi. O'zining yumshatuvchi xususiyati tufayli bu o'simlik shamollashni davolashda yallig'lanishga qarshi vosita sifatida ishlatiladi. U qalinlashgan shilimshiqning yumshatishilishi va erishiga, limfa tizimi orqali taksinlarni yo'q qilishga yordam beradi. Buning uchun bir osh qoshiq shabalaning urug'iga yarim litr qaynoq suvga solib aralashtiriladi. Ushbu suyuqlik ta'sirini oshirish uchun limon sharbati qo'shiladi.

Yuqorida eslatgan immunitetni mustahkamlovchi juda foydali usullar ishlashi uchun faol hayot tarziga o'tish, ovqatlanishda me'yorga amal qilish va ibodatlarni ko'paytirishimiz lozim.

Manbalar asosida

Bahriddin Hushboqov

tayyorladi

 

Maqolalar
Boshqa maqolalar
Yangiliklar

Haj tadbiriga mas’ul idoralar rahbarlari muloqoti

03.06.2025   8013   2 min.
Haj tadbiriga mas’ul idoralar rahbarlari muloqoti

1 iyun kuni Jidda shahrida butun dunyodan kelgan haj tadbirlarini tashkil etish va o‘tkazishga mas’ul idoralar rahbarlarining yig‘ilishi bo‘lib o‘tdi. Unda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari va Din ishlari bo‘yicha qo‘mita raisi Sodiqjon Toshboyev ishtirok etdi.

 
 Muloqotda yildan-yilga haj mavsumida Alloh taoloning mehmonlariga munosib xizmat qilish takomillashib borayotgani, innovatsion loyihalar amaliyotga joriy etilayotgani, ziyoratchilarning salomatliklarini saqlash, transport xizmati ko‘rsatish, sifatli oziq-ovqat bilan ta’minlash va toatu ibodatlarni tartibli tashkil etishda yaxshi natijalarga erishilganini alohida qayd etildi.


Haj va umra vaziri yig‘ilish ishtirokchilaridan yaqinlashayotgan haj kunlarida ziyoratchilar belgilangan tartiblarga rioya etishlarini ta’minlash, ayniqsa, Mino, Arafot vodiylarida o‘rnatilgan qonun-qoidalarga qat’iy amal qilish, xususan, kunning jazirama issiq vaqtlarida (soat 10-00 dan 16-00 gacha) chodirlardan tashqarida yurmaslik, hududlarda tog‘u tepaliklarga chiqmaslik, bitoqa-beyjiklarni taqib yurish, harakatlanishda maxsus transport vositalari, avtobuslardan foydalanish va tartibni saqlovchi xodimlar ko‘rsatmalariga itoat etish kabilarda hamkorlik qilishni so‘radi.


Anjuman doirasida O‘zbekiston delegatsiyasi Saudiya Arabistoni Podshohligi Haj va umra vaziri, turli mamlakatlardan kelgan mo‘tabar ulamolar, martabali vazirlar, fazilatli muftiylar, jumladan, Turkiya Diyonat ishlari boshqarmasi raisi, doktor Ali Erbosh, Pokistonning Dorul ulum Karachi Islom universiteti professori Muftiy Muhammad Taqiy Usmoniy, Afg‘oniston Irshod, haj va vaqf ishlari vaziri Nur Muhammad Saqib bilan uchrashib, o‘zaro hamkorlik yuzasidan fikr-mulohaza almashdilar.   


Yig‘ilish yakunida ishtirokchilar Haj va umra sohasidagi ilmiy va amaliy hamkorlikni kuchaytirish, ziyoratchilarga xizmat ko‘rsatish sifatini oshirish va bu borada o‘zaro tajriba almashishni yanada takomillashtirishga kelishib oldilar.


O‘zbekiston musulmonlari idorasi
Matbuot xizmati

Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti Haj tadbiriga mas’ul idoralar rahbarlari muloqoti
O'zbekiston yangiliklari