Shoh Abdul Aziz jamoat kutubxonasi 21 dekabr' kuni Er-Riyodda noyob islom tangalar ko'rgazmasini ochdi.

Arabnews xabariga ko'ra, madaniyat vaziri, shahzoda Badr bin Abdulloh bin Farhan rahnamoligida tashkil etilgan ko'rgazma tashrif buyuruvchilar, mutaxassislar va xohlovchilar uchun islom tsivilizatsiyasi alomatlarini uning tarixiy ulug'vorligida ko'ra olish imkonini beradigan oyna yaratishga mo'ljallangan.

Ushbu kutubxonada sharqiy islom va G'arb mamlakatlaridan Umaviylar, Abbosiylar, Andalusiylar, Fotimiylar, Ayubiylar, Otabeklar, Saljuqiylar, Mamluklar va Usmoniylar imperiyasi davriga oid sakkiz mingdan ortiq zarb qilingan va nodir arab va islom tangalari mavjud.

Kutubxonada Arabiston yarim orolida yashovchi ayrim tsivilizatsiyalarga tegishli, Makka, Madina, Al-Yamama va Bisha kabi shaharlarda zarb qilingan tangalar ham mavjud.

O'zbekiston musulmonlari idorasi matbuot xizmati