Qo'shma Shtatlarda musulmon jamoat va inson huquqlari tashkilotlaridan biri qora tanli musulmonlar hayoti haqida fil'mlar suratga olayotgan kinoijodkorlar uchun grant ta'sis etgan.
Jamoatchilik ishlari bo'yicha musulmonlar kengashi (MPAC) Gollivud byurosi rejissyorining grantini e'lon qildi. Gollivud byurosi - islom va musulmon mavzularida fil'mlar, seriallar va shoularni suratga olish bo'yicha media kompaniyalari va suratga olish guruhlariga maslahat berish bo'yicha MPACning bir bo'linmasi hisoblanadi. Tashkilot fil'mlar va teledasturlardagi musulmonlarning tasvirlarini to'g'ri va buzmasdan ko'rsatishga yordam beradi.
Deadline xabariga ko'ra, Amerika Qo'shma Shtatlarida o'zlarini qora tanli musulmon hamjamiyati a'zolari sifatida biladigan kinoijodkorlar Jamoatchilik ishlari bo'yicha musulmonlar kengashinig 10 000 AQSh dollari miqdoridagi grantiga da'vogarlik qilishlari mumkin. Tanlovda ishtirok etish uchun rejissyorlar suratga olish yoki ekranga chiqarish bosqichidagi faol loyihalarga ega bo'lishlari kerak.
"Bu ajoyib mukofot ijodkor musulmonlarga qiyin hikoyalarini aytib berishga yordam berishga qaratilgan", - deydi Gollivud byurosi direktori S'yu Ubaydiy.
O'zbekiston musulmonlari idorasi matbuot xizmati
Shogird ustozi bilan suhbat qilib o‘tirgan edi. Shogird ustozidan so‘radi:
– Ustoz, dunyodan o‘tganingizdan keyin odamlar sizni qanday xotirlashini xohlar edingiz?
Ustoz bir muddat sukut saqlab, so‘ng savolga javob berdi:
– Bizni odamlar qay tariqa eslashlari muhim emas. Balki qabrda va Allohning huzurida qanday kutib olinishimiz muhim. Deylik, oradan bir asr o‘tib, bolalarimiz, balki nabiralarimiz ham olamdan o‘tib ketar. Biz hozir qiynalib, umrimizni, topgan mablag‘imizni sarflab qurdirgan uylarimiz buzilib ketar yo ularda boshqalar yashar. Shuning uchun o‘lgach, bizni kim nima deb eslashiga emas, abadiy safarga hozirlik ko‘rishimiz kerak.
Ha, azizlar! Bu dunyoda yashar ekanmiz, kim uchun yaxshi ota-ona, kim uchun yaxshi umr yo‘ldosh, kim uchun yaxshi farzand bo‘lishga harakat qilamiz. Jamiyatda esa o‘zimizdan yaxshi nom qoldirishga urinamiz. Lekin bu ishlar zamirida Alloh taoloning amir va qaytariqlariga amal qilish yotganini ba’zan unutib qo‘yamiz. Yelib-yugurishlarimiz faqat odamlar uchungina bo‘lib qoladi.
Aslida mo‘min odam har bir amalini xolis Alloh uchun qilib, imkon qadar boshqalardan yashirishi lozim. Aks holda qilgan amalining savobidan mahrum bo‘ladi. Eng yomoni ba’zilar mana shunday nojoiz ishni qilib, kamiga suratga ham oldirib tarqatmoqda.
Tustariy rahimahullohdan so‘rashdi: “Nafsga eng og‘ir narsa nima?”. Aytdiki: “Ixlos – nafsga eng og‘ir narsa. Chunki ixlosda nafs uchun nasiba bo‘lmaydi”. Ixlosning alomati shuki, amal qiluvchiga uning amalidan odamlar xabardor bo‘ldimi-yo‘qmi – unga farqi bo‘lmaydi.
Endi o‘zimizni bir taftish qilaylik-chi, kunlik ishlarimiz, amallarimiz shu mezonga mos kelarmikan?..
Akbarshoh Rasulov