Sayt test holatida ishlamoqda!
20 May, 2025   |   22 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:23
Quyosh
05:00
Peshin
12:25
Asr
17:27
Shom
19:43
Xufton
21:14
Bismillah
20 May, 2025, 22 Zulqa`da, 1446
Avvalgi sayt
#search
 YouTube

O'zbekistonning turizm salohiyati Hitoy OAVlari nigohida

05.12.2023   3027   1 min.
O'zbekistonning turizm salohiyati Hitoy OAVlari nigohida

Mamlakatimizda sayyohlik salohiyatini targ'ib qilish va O'zbekistonning jahonda tan olinishini oshirish bo'yicha aniq chora-tadbirlar amalga oshirilmoqda, xususan, Horazm viloyati delegatsiyasi Hitoy Halq Respublikasiga tashrif buyurib, ikki tomonlama hamkorlikni rivojlantirish, sayyohlik oqimini oshirish va tajriba almashish yuzasidan muzokaralar olib bordi.

Bundan tashqari, Hitoydan Horazmga sayyohlar oqimini ko'paytirish maqsadida dunyoning etakchi telekanallaridan biri bo'lgan Hitoy Halq Respublikasi markaziy televideniyesi televizion loyihalari 49 ta davlatda 6 tilda efirga uzatiladigan, 1 milliarddan ortiq tomoshabin obunachiiga ega bo'lgan “CCTV” telekanali orqali viloyatning turizm salohiyati keng targ'ib qilinmoqda.

“Yuz.uz”ning yozishicha, “Halal Business” jurnali Islom hamkorlik tashkilotining IX – Butunjahon halol sammitiga bag'ishlangan maxsus sonida ham O'zbekiston haqida ikkita maqola chop etgan.

Unda joriy yilning 16-20 noyabr' kunlari Samarqand shahrida bo'lib o'tgan UNWTO (YuNVTO) Bosh Assambleyasi yakunlari hamda Horazm viloyatining turizm salohiyati, “Hiva – 2024 yilda islom olamining turistik poytaxti” maqomining berilishi va mamlakatimizda IHT turizm vazirlarining yig'ilishi o'tkazilgani haqida ma'lumotlar taqdim etildi”.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Maqolalar

Shu yerda otamni urgan edim

16.05.2025   4954   2 min.
Shu yerda otamni urgan edim

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
 

عَنْ مُسْلِمِ بْنِ عَبْدِ اللهِ الْحَنَفِيِّ قَالَ: بِرَّ وَلَدَكَ فَإِنَّهُ أَجْدَرُ أَنَّ يَبَرَّكَ فَإِنَّ مَنْ شَنَأَ عَقَّهُ وَلَدُهُ

Muslim ibn Abdulloh Hanafiydan rivoyat qilinadi: “Bolangga yaxshilik qil. Shunda u senga yaxshilik qiladi. Kim yomonlik qilsa, bolasi unga oq bo‘ladi”.

Bolang kichikligida sen unga yaxshilik qilib, tarbiyasini va muomalasini yaxshi qilgin, qariganingda u senga yaxshilik qaytaradi. Ammo kim yoshligida farzandiga yomonlik qilib yurgan bo‘lsa, qariganida farzandidan ko‘radi.

Ota-ona o‘zining farzandi oldidagi majburiyat va mas’uliyatini sharaf bilan ado etib qo‘ysa, qariganida albatta qilgan yaxshiliklari bolasidan qaytadi.

Xuddi shu ma’noga o‘xshash yana bir gap bor. Kim yoshligida ota-onasiga yaxshilik qilsa, qariganida unga ham bolasi yaxshilik qiladi. Bu holat aksincha bo‘lishi ham mumkin.

Otamiz rahmatli shu ma’nodagi hikoyani bir necha marta takrorlaganlarining guvohi bo‘lganmiz.

Odamlar yo‘lda ketishayotsa, bir yigit oqsoqol cholni kaltaklayotgan emish. Ular tezlab borib, oqsoqolni ajratib olishibdi va yigitga o‘dag‘aylab, unga zardali savollar bera boshlashibdi. Shunda oqsoqol o‘zidan oqqan qonni arta turib: «Unga tegmanglar. Hamma ayb o‘zimda. Men yigitlik chog‘imda xuddi shu yerda otamni urgan edim», debdi.

Shunday ekan, har bir kishi ota-onasiga ham, farzandiga ham doimo yaxshilik qilish payidan bo‘lishi kerak. Qisqasi, har kimga shariat tomonidan berilgan haqning rioyasini qilish lozim.

«Yaxshilik va silai rahm» kitobi 1-juz.

 

Maqolalar
#logo