Prezident Shavkat Mirziyoev BMT terrorizmga qarshi kurashish sharoitida inson huquqlari va asosiy erkinliklarini rag'batlantirish va himoya qilish bo'yicha maxsus ma'ruzachisi Fionnuala Ni Aolaynni qabul qildi.

Inson huquqlari sohasida, zamonaviy xatar va tahdidlarga qarshi kurash borasidagi dolzarb kun tartibi yuzasidan muloqotni yanada rivojlantirish masalalari ko'rib chiqildi.

Hamkorlik samarali tus olgani, mamlakatimiz ushbu muhim yo'nalishlarda katta muvaffaqiyatlarga erishgani qayd etildi.

Maxsus ma'ruzachi O'zbekistonning “Mehr” operatsiyasi doirasida fuqarolarni mamlakatga qaytarish, reabilitatsiya va reintegratsiya qilish borasidagi sa'y-harakatlarini yuksak baholadi. Terrorizm va ekstremizmga qarshi kurashdagi yangi yondashuvlar alohida qayd etildi.

president.uz