Internetdagi aloqa odoblari
— Internet orqali o'zgalar bilan aloqa qilishda o'ziga tanlagan ismning go'zalligiga e'tibor berishi lozim.
— Internet orqali o'zgalar bilan aloqa qilishda shariat ruxsat bergan narsalarga amal qilib, man qilgan narsalardan chetda bo'lish asosiy qoida bo'lishi zarur.
— Internet orqali o'zgalar bilan aloqa qilishdan yaxshilik va taqvoda hamkorlik qilish hamda yomonlik va dushmanlikda hamkorlik qilmaslik shior qilib olinishi zarur.
— Internet orqali o'zgalar bilan aloqa qilishdan foydali maqsadni ko'zlash va befoyda ishlardan chentda bo'lish lozim.
— Internet orqali o'zgalar bilan aloqa qilishda musulmon insonning o'ziga taqvoni, yaxshilikni va go'zal xulqni lozim tutishi talab etiladi.
— Internet orqali o'zgalar bilan aloqa qilishda nomahramlar masalasida juda ehtiyot bo'lish kerak.
— Internet orqali o'zgalar bilan aloqa qilishda ish aynan internet orqali nikohlanishgacha etib bormasligi kerak.
— Internet orqali o'zgalar bilan aloqa qilishda yolg'on ishlatmaslik, soxtakorlik ila uydurma xabarlar, suratlar va video lavhalar tarqatmaslik talab etiladi.
— Internet orqali o'zgalar bilan aloqa qilishda xuddi ko'z ko'zga tushib turgandek, o'zini odob va axloq ila tutish lozim.
— Internet orqali o'zgalar bilan aloqa qilishda notanish kishilarni "Siz"lab ularga alohida hurmat ko'rsatish kerak.
— Internet orqali o'zgalar bilan aloqa qilishda bahs-munozara har qancha qizisa ham, birovga ozor berishga bormaslik kerak.
— Internet orqali o'zgalar bilan aloqa qilishda behuda tortishuvlarga yo'l qo'ymaslik, beodobliklarga qarshi kurashish yaxshi ishdir.
— Internet orqali o'zgalar bilan aloqa qilishda savdo ishlari olib borilsa oldin buning tafsilotini yaxshi o'rganib olish shartdir.
To'liq ma'lumot uchun Shayx Muhammad Sodiq Muhammad Yusuf rohimahullohning
"Ijtimoiy odoblar" kitobining 254-261- betlariga qarang
Andijonda imomlar o‘rtasida “Zakovat” turniri bo‘lib o‘tdi
O‘zbekiston mustaqilligining 35 yilligi munosabati bilan Andijon viloyatida faoliyat yuritayotgan imom-xatib va imom-noiblar o‘rtasida “Qur’on tinchlikka buyuradi” shiori ostida “Zakovat” intellektual musobaqasi o‘tkazildi.
Tadbirni Andijon viloyati bosh imom-xatibi Mirzamaqsud domla Alimov ochib berib, mazkur bellashuv diniy soha xodimlarining ilmiy-ma’rifiy va huquqiy bilimlarini mustahkamlash, ular o‘rtasidagi jamoaviy hamjihatlikni oshirishda muhim ahamiyat kasb etishini ta’kidladi.
Viloyatning barcha shahar va tumanlaridan jamlangan jamoalar qizg‘in va murosasiz bahslar olib bordi. Ishtirokchilar Qur’oni karim, hadisi shariflar, islom tarixi, shuningdek, mamlakatimiz qonunchiligi va milliy qadriyatlarga oid savollar orqali o‘zlarining intellektual salohiyati hamda tezkor fikrlash qobiliyatlarini namoyon etdilar.
Hakamlar hay’atining xulosalariga ko‘ra, eng bilimdon jamoalar g‘oliblikni qo‘lga kiritdi:
-
1-o‘rin — Jalaquduq tumani;
-
2-o‘rin — Qo‘rg‘ontepa tumani;
-
3-o‘rin — Xo‘jaobod tumani.
G‘oliblar O‘zbekiston musulmonlari idorasi Andijon viloyati vakilligining maxsus diplom va esdalik sovg‘alari bilan taqdirlandi.
Ilm-ma’rifat yo‘lida bellashgan barcha ishtirokchilarni muborakbod etib, ularning kelgusi xayrli faoliyatlarida Alloh taolodan baraka va zafarlar tilaymiz!
O‘zbekiston musulmonlari idorasi
Andijon viloyati vakilligi
Matbuot xizmati
