O'zbekiston Respublikasi Prezidenti Qozog'iston Respublikasining Birinchi Prezidenti bilan telefon orqali muloqot qildi
26 noyabr' kuni O'zbekiston Respublikasi Prezidenti Shavkat Mirziyoevning Qozog'iston Respublikasining Birinchi Prezidenti – Elboshi Nursulton Nazarboyev bilan telefon orqali muloqoti bo'lib o'tdi.
Suhbat avvalida davlatimiz rahbari Elboshini yaqinlashib kelayotgan bayram - Qozog'iston Respublikasining Birinchi Prezidenti kuni bilan tabriklab, mustahkam sog'lik, farovonlik va yangi zafarlar, birodar Qozog'iston xalqiga bardavom taraqqiyot va ravnaq tiladi.
Nursulton Nazarboyevning zamonaviy Qozog'istonni barpo etish, mamlakatning xalqaro maydondagi nufuzini yuksaltirishdagi tarixiy o'rni va ulkan shaxsiy hissasi qayd etildi.
Mamlakatlarimiz o'rtasidagi do'stlik, yaxshi qo'shnichilik va strategik sheriklik munosabatlari bugun yuksak darajaga ko'tarilgani mamnuniyat bilan ta'kidlandi.
Joriy yil boshidan o'zaro tovar ayirboshlash hajmi 40 foizga oshdi, ikki mamlakatning etakchi kompaniya va korxonalari o'rtasidagi sanoat kooperatsiyasi kengayib bormoqda. Bugun Turkiston shahrida O'zbekiston va Qozog'iston hukumatlari rahbarlari ishtirokida Hukumatlararo komissiyaning navbatdagi yig'ilishi va Hududlar forumi o'tkazilmoqda.
Bundan tashqari, madaniy-gumanitar almashinuvga doir muhim dasturlarni amalga oshirish faol davom ettirilmoqda.
Telefon muloqoti chog'ida ikki tomonlama va mintaqaviy hamkorlikning dolzarb masalalari yuzasidan fikr almashildi, bo'lajak oliy darajadagi uchrashuvlar rejasi ko'rib chiqildi.
Mashaqqat bilan erishilgan muvaffaqiyat lazzatli bo‘ladi
Bismillahir Rohmanir Rohiym
Muvaffaqiyatga erishganlardan biri shunday hikoya qiladi: “Men faqir bo‘lib tug‘ildim, beshikdaligimdan yo‘qchilik men bilan birga bo‘ldi. Onamning qo‘lida hatto qotgan non ham yo‘q bo‘lgan paytlarda bir burda non so‘rash achchiqligini tuydim. O‘n yoshga yetganimda ko‘chaga ishlash uchun chiqa boshladim, yilda bir oygina o‘qirdim. O‘n bir yillik og‘ir mehnatdan so‘ng yigirma bir yoshga yetgan vaqtimda sakson dollar evaziga birgina ho‘kiz va oltita qo‘zichoqqa ega bo‘ldim. Shu yoshga yetgunimga qadar rohatlanish uchun bir so‘m ham sarflamadim, topgan barcha pullarimni jamlar edim. Haqiqiy mashaqqatni boshdan kechirdim, yashash uchun uzoq ish izladim, oxiri aravaga ho‘kizni qo‘shib o‘tin terishga o‘tdim. Bir oyda olti dollarga ega bo‘lish uchun ertadan kechgacha bor kuchim bilan ishlar edim. Ushbu olti dollarning har biri menga qorong‘u zulmatdagi to‘lin oydek go‘zal ko‘rinar edi”.
Shu’la: Agar o‘tmishda xatolarga yo‘l qo‘ygan bo‘lsangiz endi ulardan ta’lim oling. Ulardan ibrat olganingizdan so‘ng barchasini unuting.
Doktor Oiz al-Qarniyning
"Dunyodagi eng baxtli ayol" kitobidan
