— Oyog'imga protez qo'yilgan. Tahorat qilganimda oyog'im og'riydi. Qishda maxsi kiyib, tayammum qilardim. Yoz kunlarida maxsi kiyolmayman, shunda 5 mahal tahorat qilishga to'g'ri kelsa, oyog'imni yuvishim shart-mi?
— Avvalo protez qismining ustini yuvish shart bo'lmaydi. Agar protez oyoqni tahoratda yuvish farz bo'lgan qismida bo'lsa, oyoq yuvish soqit bo'ladi. Agar oyoqning yuvish farz bo'lgan qismida bo'lmasa, yuvasiz. Imkon bo'lsa, yuviladi, agar yuvish shar'an mumkin bo'lmasa, yuvmasdan mash tortiladi.
Muhammad Ayyub HOMIDOV
Savol: Namozga “Allohu akbar”, deb quloq qoqishda “Allohu akbar” dagi “r” ga kelganda ikki qo‘lni bosh barmog‘i quloq yumshog‘iga tegiziladimi? Shunday deb, eshitdim.
Javob: Bismillahir Rohmanir Rohiym. Namozga kirishda avval ikki qo‘lni yuqoriga ko‘tarib, bosh barmoqlarni quloqning yumshoq joyiga tegiziladi. So‘ng “Allohu akbar”, deb, namozga kirishiladi.
Bu haqida Faqih Abu Ja’far rahimahulloh bunday zikr qilganlar: “Ikki kaftini ichki taraflari bilan qiblaga yuzlanadi va panjalari yozadi hamda qo‘llarini yuqoriga ko‘taradi. Qachonki, ikki bosh barmog‘i ikki quloqlarining yumshoq joylariga tegsa, “Allohu akbar” deb namozga shuru’ qiladi.
Shamsulaimma Saraxsiy rahimahullohga ko‘ra, barcha mashoyixlar shunga ittifoq qilganlar (“Muhiyt” kitobi). Vallohu a’lam.
O‘zbekiston musulmonlari idorasi
Fatvo markazi.