Ma'rifat maskani bo'lgan masjidlarimiz tobora obod bo'lib boryapti. Buning uchun Alloh taloga qancha ko'p shukr qilsak kam.

O'rta Chirchiq tumanidagi “Boboxon ota” jome masjidining yangi binosiga ilk g'isht qo'yish marosimi bo'lib o'tdi.
Tadbirda tuman bosh imom-xatibi Jamoliddin domla Turonov bilan birgalikda mahalla faollari, kayvonilar, saxovatpesha homiylar ishtirok etdi.

Masjidning 400 kishiga mo'ljallangan eski binosi vaqt o'tishi bilan namozxonlarga torlik qilib qolgan edi. Shuni inobatga olib hamda aholining taklif va tavsiyalari asosida yangi jome qurila boshlandi.

Yangi masjid faoliyat boshlagach, bir vaqtning o'zida bu erda 2 ming kishi ibodatlarni ado etadi. Yangi jomega monand tarzda barpo etilayotgan zamonaviy tahoratxona ishga tushgach esa 30-35 kishi poklana oladi.

Alloh taolo yangi jomeni tez va qisqa fursatda foydalanishga topshirilishini nasib aylasin!