Islom hamkorlik tashkiloti bosh kotibi shu haftaning chorshanba kuni o'z lavozimiga kirishdi, deya xabar bermoqda “Saudiy Press” matbuot xizmati.

Husayn Ibrohim Toha o'tgan yil noyabr' oyida Niger poytaxti Niamey shahrida bo'lib o'tgan IHTga a'zo davlatlar Tashqi ishlar vazirlari kengashining 47-sessiyasida ushbu lavozimga saylangan edi.

Uning IHTdagi vakolat muddati besh yildan iborat. Husayn Toha o'z mamlakatida Tashqi ishlar vaziri, Afrika integratsiyasi va xalqaro hamkorlik vaziri, Niger prezidentining diplomatik maslahatchisi, muxtor vazir hamda mamlakatining Frantsiya, Ispaniya, Portugaliya, Gretsiya va boshqa mamlakatlardagi Favqulodda va Muxtor elchisi kabi qator lavozimlarda ishlagan chadlik diplomatdir.

Shuningdek, Husayn Toha Saudiya Arabistonidagi Chad elchixonasida katta maslahatchi lavozimida ham faoliyat yuritgan. Frantsuz, arab va ingliz tillarini yaxshi biladigan IHTning yangi rahbari Chad milliy ordeni, Frantsiyaning Faxriy legioni milliy ordeni va faxriy elchi unvonlari bilan taqdirlangan.

O'MI Halqaro aloqalar bo'limi