Halqimizda: “Mehr – ko'zda”, degan naql bor. Darhaqiqat, tez-tez ko'rishib turgan kishilar oqibatli bo'lishadi. Ana shu ko'rishuv ilm majlislariga aylanib ketsa-chi?.. Tadbir ishtirokchilari ma'rifatli bo'lishadi.

Ulamolarimizning tashriflari namozxonlar o'rtasida ham mehrni, ham ma'rifatni yuksaltiryapti. Misol uchun, bugun O'zbekiston musulmonlari idorasi raisi o'rinbosari Ibrohim domla Inomov xufton namoziga Toshkent tumani “G'ishtko'prik” jomesiga borib, namozni jamoat bilan ado etgach, odamlarni yaxshilikka chaqirib, yomonlikdan qaytardilar.

Shuningdek, Toshkent viloyati bosh imom-xatibi Jasur domla Raupov tumandagi “Zunnurayn” jomesida suhbat qilib berdilar.

“Vaqf” xayriya jamoat fondi rahbari Yahyo domla Abdurahmonov “Mirxalil hoji ota”ga, Toshkent viloyati bosh imom-xatibi o'rinbosari Zaynilobiddin domla Qudratov “Hasan ibn Sobit”ga, Toshkent shahar Chilonzor tumani “Shayx Muhammad Sodiq Muhammad Yusuf” masjidi imom-xatibi Ismoil Muhammad Sodiq “Hasanboy ota”ga borishib, ma'ruzalar qilib berishdi.

Toshkent tumanidagi “Dorussalom”, “Eshonbuva”, “Ramadon”, “Hamd” jomelari ham xufton namozida fazyga to'ldi. 

Qibray tumanidagi “O'nqo'rg'on”, “Baytqo'rg'on”, Zangiota tumanidagi “Umir”, “Eshonguzar”, Yangiyo'l shahridagi “Oltinobod” masjidlari namozxonlari ulamolarning suhbatlaridan bahra olishdi.