— Bir yil oldin qizim vafot etgandi. Devorga rasmini ilib qo'yishim mumkin-mi? Keyin qizimni ko'p o'ylayman, tushlarimga kirsa deyman, lekin hech tushimga kirmaydi, u mendan rozimasmikan deb o'ylab qolaman. Men noto'g'ri o'ylamayapman-mi?
— Yaxshi emas. Uch zarari bor: birinchisi, inson va hayvon rasmini beldan yuqori joyga osish nojoizdir. O'simlik va jonsiz narsalarning rasmini osib qo'yishning hech zarari yo'q. Ikkinchisi, jonli rasm ilingan xonaga rahmat farishtalari kirmaydi. Fotorasmlarni al'bomda saqlash lozim. Uchinchisi, devorida rasm osilgan xonada namoz o'qish makruhdir.
Qizingizning ruhi shod bo'lishi uchun Qur'on tilovati qilib, sadaqa berib, shularning savobini uning ruhiga bag'ishlash mumkin. Tushga kirmasligi yomonlik alomati emas.
Muhammad Ayyub HOMIDOV
Shu yilning 27 yanvar kuni Misr Arab Respublikasining Qohira shahrida “Al-Azhar” majmuasi qoshidagi Imom Ash’ariy markazi tomonidan birinchi xalqaro ilmiy forum tashkil etildi.
Anjuman “Imom Ash’ariyning islomiy firqalarga oid fikriy yondashuvlari: aqidaviy ixtilofdan muloqot va mo‘tadillik sari” mavzusiga bag‘ishlanib, unda islom olamining yetuk ulamolari va tadqiqotchilari ishtirok etdi.
Forumda Imom Buxoriy nomidagi Toshkent islom instituti vakillari, jumladan, institut rektori Uyg‘un domla G‘afurov va “Hadis va islom tarixi fanlari” kafedrasi katta o‘qituvchisi Faxriddin domla Mamanasirov faol qatnashdi.
Tadbir ochilish marosimida Al-Azhar va Imom Ash’ariy markazi rahbarlari, Misr muftiysi hamda xalqaro ilmiy muassasalar vakillari so‘zga chiqdi.
Mazkur forum islom olamida ilmiy hamkorlikni mustahkamlash, ma’rifat orqali mo‘tadillikni targ‘ib etish va sof islom aqidasini qo‘llab-quvvatlashga xizmat qilmoqda.
O‘zbekiston musulmonlari idorasi
Matbuot xizmati