— Bir yil oldin qizim vafot etgandi. Devorga rasmini ilib qo'yishim mumkin-mi? Keyin qizimni ko'p o'ylayman, tushlarimga kirsa deyman, lekin hech tushimga kirmaydi, u mendan rozimasmikan deb o'ylab qolaman. Men noto'g'ri o'ylamayapman-mi?

— Yaxshi emas. Uch zarari bor: birinchisi, inson va hayvon rasmini beldan yuqori joyga osish nojoizdir. O'simlik va jonsiz narsalarning rasmini osib qo'yishning hech zarari yo'q. Ikkinchisi, jonli rasm ilingan xonaga rahmat farishtalari kirmaydi. Fotorasmlarni al'bomda saqlash lozim. Uchinchisi, devorida rasm osilgan xonada namoz o'qish makruhdir.

Qizingizning ruhi shod bo'lishi uchun Qur'on tilovati qilib, sadaqa berib, shularning savobini uning ruhiga bag'ishlash mumkin. Tushga kirmasligi yomonlik alomati emas.

Muhammad Ayyub HOMIDOV