Sayt test holatida ishlamoqda!
15 Iyul, 2025   |   20 Muharram, 1447

Toshkent shahri
Tong
03:22
Quyosh
05:03
Peshin
12:34
Asr
17:40
Shom
19:59
Xufton
21:32
Bismillah
15 Iyul, 2025, 20 Muharram, 1447

Erga itoat etish - Jannatga kirishga sabab

18.11.2021   5895   1 min.
Erga itoat etish - Jannatga kirishga sabab

Erga itoat etish va Alloh taolo g'azab qilmaydigan o'rinda uni rozi qilish ayol kishining jannatga kirishiga sabab bo'ladi. Juda ham kam kishilar ayolidan rozi holda ekanini ko'rasiz, agar ayol kishi erining haqlarini to'liq bilganida edi, taomlarini tayyorlab, xizmatini qoim qilmagunicha hatto o'tirmas edi.
Ummu Salama roziyallohu anhodan rivoyat qilinadi: Rasululloh sollallohu alayhi va sallam aytdilar: "Qaysi ayol erini rozi qilgan holida vafot etsa, jannatga kiradi" (Imom Termiziy rivoyati).
Erning roziligi ayol kishining dinini to'rtdan biri hisoblanadi.
Abdurahmon ibn Avf roziyallohu anhudan rivoyat qilinadi. Nabiy alayhissalom aytdilar: "Ayol kishi besh vaqt namozini ado qilsa, ramazon ro'zasini tutsa, farjini gunohdan saqlasa va eriga itoat qilsa unga: Jannatga xohlagan eshigingizdan kiring deyiladi" (Imom Ahmad rivoyati).

Doktor Muhammad Rotib An-Nabulusiy ma'ruzasidan Muhammad Yunus Muhammad Muso o'g'li tarjimasi

 

Maqolalar
Boshqa maqolalar
Yangiliklar

O‘zbekiston elchisi Bahrayn adliya va islom ishlari vaziri bilan o‘zaro hamkorlikni muhokama qildi

14.07.2025   2439   1 min.
O‘zbekiston elchisi Bahrayn adliya va islom ishlari vaziri bilan o‘zaro hamkorlikni muhokama qildi

O‘zbekiston elchisi Nodirjon Turg‘unov (qarorgohi Ar-Riyoz shahrida joylashgan) Bahrayn adliya, islom ishlari va vaqf vaziri Navvof bin Muhammad al-Muovida bilan uchrashdi, deb xabar qilmoqda "Dunyo" AA muxbiri. 

 

Vazir muloqot avvalida O‘zbekiston zaminidan yetishib chiqqan olimlarning Islom tamadduniga hissa qo‘shgan hissasini, mamlakat tomonidan diniy-ma’rifiy sohaga qaratilayotgan e’tibor, yosh kelajak avlod uchun yaratilayotgan imkoniyatlar tahsinga sazovor ekanini ta’kidladi. Uning aytishicha, Imom Buxoriy, Imom Termiziy, al-Xorazmiy, Farobiy, Zamaxshariy kabi Islom olamida yuksak obro‘-e’tibor topgan olimlarning merosi dunyo musulmonlarining umumiy boyligidir.

 

– So‘nggi yillarda O‘zbekistonda o‘tkazilayotgan xalqaro ilmiy-amaliy konferensiyalar nafaqat o‘zbek xalqi, balki butun Islom ummatiga xizmat qilmoqda. Bahrayn Islom merosini o‘rganish bo‘yicha o‘zbek tomoni bilan yaqindan hamkorlikni yo‘lga qo‘yish va ilmiy izlanishlarni birgalikda amalga oshirishga tayyor", – dedi adliya, islom ishlari va vaqf vaziri Navvof bin Muhammad al-Muovida.

 

Muloqot chog‘ida Toshkent shahrida barpo etilayotgan O‘zbekistondagi Islom sivilizatsiyasi markazining ochilish marosimida Bahrayn delegatsiyani ishtirokini ta’minlash, O‘zbekiston musulmonlari idorasi va Islom sivilizatsiyasi markazi bilan hamkorlik aloqalarini o‘rnatish, ikki mamlakat ilmiy markazlar o‘rtasida aloqalarni rivojlantirish istiqbollari ko‘rib chiqildi.

 

Tomonlar O‘zbekiston va Bahrayn o‘rtasida adliya, Islom ishlari va vaqf sohasidagi hamkorlikni rivojlantirish, birgalikda ilmiy-amaliy ishlarni tashkil etish maqsadida mas’ul xodim tayinlash taklifini qo‘llab-quvvatladilar. 


O‘zbekiston musulmonlari idorasi
Matbuot xizmati

 

 

Dunyo yangiliklari