Расулуллоҳ соллаллоҳу алайҳи васалламнинг саллалари

Жобир розияллоҳу анҳу айтади: “Расулуллоҳ соллаллоҳу алайҳи васаллам Макка фатҳи куни Маккаи мукаррамага бошларида қора салла ўраган ҳолда кирдилар” (Имом Термизий ривояти).

Жаъфар ибн Амр ибн Ҳурайс отасидан ривоят қилади: "Расулуллоҳ соллаллоҳу алайҳи васалламни қора салла билан минбарда хутба қилаётганларини кўрдим".

Аллоҳумма солли ва саллим аъла Муҳаммадин ва аъла оли Муҳаммад.

Даврон НУРМУҲАММАД

Бу муборак ҳадис олимларнинг уммат олдидаги қадрини намоён қиладиган энг улуғ ҳадислардан бири ҳисобланади. Расулуллоҳ соллаллоҳу алайҳи ва саллам марҳамат қиладилар: “Дарҳақиқат, Ер юзидаги олимларнинг мисоли худди осмондаги юлдузларнинг мисоли кабидир…” (Имом Аҳмад ривояти).

Ер юзидаги олимлар билан осмондаги юлдузлар ўртасида қандай ўхшашлик бор? Аллоҳ таоло Қуръони каримда юлдузларнинг учта фойдали жиҳатини бизга хабар беради: «Ҳақиқатан, Биз (Ерга) яқин осмонни чироқлар (юлдузлар) билан безадик ва уларни шайтонларга отиладиган тошлар қилиб қўйдик» (Мулк сураси, 5-оят). 

«(Йўлларга) белгилар ҳам (қўйди). Юлдузлар билан ҳам улар йўл топурлар» (Наҳл сураси, 16-оят). 

Демак, юлдузларнинг биринчи фойдали хусусияти осмонни безаб турадиган чироқлар бўлганидир. Олимлар ҳам худди шундай Ер юзини безаб турувчи чироқлардир. Аввалги замонларда одамлар “олимлар”, “уламолар” деб ишлатаверишган. Аммо ҳозир биз “олимлар” сўзига “раббоний олимлар”, “адолатли имомлар”, “тўғри йўлда юрувчилар” каби илмига мувофиқ амал қиладиган сифатларни қўшиб айтишга мажбур бўляпмиз. Ана шундай сифатга эга бўлган олим воқеликда Ер юзининг кўрки, зийнати ҳисобланади. Чунки чинакам олимларнинг Ердаги ҳаётга бўлган таъсири жуда улкандир. 

Юлдузларнинг иккинчи фойдали хусусияти «шайтонларга отиладиган тошлар», яъни осмон соқчилари эканидир. Олимлар ҳам Ер юзидаги Ислом соқчилари бўлиб, улар Ислом ақидасини, ибодатларини, ахлоқини жоҳилликдан, шайтоний хуружлардан қўриқлаб туришади. Юлдузлар осмон сирларидан воқиф бўлиш учун яқинлашган шайтонларга отиладиган тошлар бўлгани каби Ер юзидаги олимлар ҳам инсон қиёфа сидаги шайтонларга отилади ган алангали тошлардир.

­Илмига амал қиладиган тақводор олимлар динни, одамларни турли бидъатчиларнинг фитналаридан, зарарларидан ҳимоя қилиб туришади. Чунки бундай бузуқ ниятли кимсаларни, уларнинг зарарларини фақатгина у билан замондош бўлиб, унинг маданияти ва менталитетини яхши биладиган илмига амал қилувчи, тақводор, фаросатли, зийрак олим кўра билиши ва даф қилиши мумкин. Айнан шундай олимлар ўз замонасида пайдо бўладиган бидъатчи ва адашганларга қарши тура олади. Хусусан, уларга қарши курашда оммавий ахборот воситаларидан ҳам кенг фойдаланишади. 

Юлдузларнинг учинчи хусусияти – одамлар улар орқали йўлларини топиб олишади. Дарҳақиқат, Аллоҳ таоло мусофир йўловчилар манзилларига янглишмай етиб олишлари ҳамда Ернинг тўрт томонини ва қиблани аниқлаш учун осмонда Сурайё, Етти оғайни, Олтин қозиқ, Қутб юлдузларини аломат сифатида яратиб қўйган. 

Олимлар Ерга зийнат ва ҳимоячи бўлиш билан бирга, тўғри йўлни кўрсатиб турувчи йўлчи юлдуз ҳамдирлар. Тўғрилик ва ҳақ йўлни излаганларга олимлар доимо тўғри йўлни кўрсатиб беришган. Олимларга муҳаббатли, уларни ўзларига йўлбошчи қилиб олган инсонлар улардан таралаётган ҳидоят нуридан фойдаланиб бахту саодатга эришадилар. 

 Шайх Муҳаммад АВВОМА ҳафизаҳуллоҳ суҳбатлари асосида 

Азизбек ХОЛНАЗАРОВ тайёрлади.
“Ислом Нури” диний-маърифий газетасининг 2020-йил, 23-сонидан

ЎМИ матбуот хизмати

Ислом олами уюшмаси Покистондаги минтақавий ваколатхонаси орқали “Покистондаги муҳтож оилалар учун қишки кийим тўҳфаси” лойиҳасини бошлади. Уюшманинг Исломободдаги қароргоҳида шу муносабат билан ўтказилган тадбирда маълум қилинди.

Ислом олами уюшмасининг Покистондаги минтақавий ваколатхонаси директори Саад бин Масуъд ал-Ҳарасий ушбу лойиҳа Покистоннинг турли минтақаларида рўй берган совуқ ҳаво оқимидан зарар кўрган минглаб муҳтож оилаларга ёрдам бериш мақсадида маҳаллий ҳукумат билан ҳамкорликда амалга оширилганни таъкидлади.

Ушбу лойиҳа орқали Ислом олами уюшмасининг динимиз кўрсатмаларига мувофиқ, миллати ва ирқидан қатъий назар ёрдамга муҳтож бўлган мусулмонларга соғлиқни сақлаш, таълим ва бошқа инсонпарварлик ёрдамларини тақдим этмоқда.

Ўз навбатида Покистоннинг Дин ишлари бўйича вазири доктор Нурулҳақ Қодирий Покистон заминидаги муҳтож инсонларга ёрдам кўрсатишдаги доимий фаоллиги ва саъй-ҳаракатлари учун Ислом олами уюшмасининг ўрнини юқори баҳолади.

Ўзбекистон мусулмонлари идораси Халқаро алоқалар бўлими

Покистон Ислом Республикаси Бош вазири маслаҳатчиси Абдул Раззоқ Довуд бошчилигидаги делегация Ўзбекистонга ташриф буюрди. Ташриф доирасида покистонлик меҳмонлар кўҳна ва навқирон Самарқанд шаҳрида ҳам бўлишди. Ўзбекистон Республикаси Бош вазир ўринбосари, Туризмни ривожлантириш давлат қўмитаси раиси Азиз Абдуҳакимов Самарқанд шаҳрида Покистон делегацияси билан учрашув ўтказиб, икки томонлама ҳамкорлик алоқаларини янада кенгайтириш ҳамда Ўзбекистон ва Покистон ўртасидаги ўзаро манфаатли ҳамкорликни ривожлантириш истиқболлари юзасидан фикр алмашди.
Покистон делегацияси учун дастлаб Самарқанднинг инвестицион жозибадорлиги, туризм салоҳияти, тиббиёт ва фармацевтика йўналишидаги имкониятларига доир тақдимот ўтказилди.
Ўзаро музокаралар давомида авиақатновларни ривожлантириш, икки мамлакат ишбилармонлари ўртасидаги манфаатли ҳамкорликни кучайтириш, олий таълим муассасаларида ўзаро тажриба алмашинувларни ташкил этиш борасида сўз юритилди.
Меҳмонларга бугунги кунда Самарқанд давлат тиббиёт институтида таҳсил олаётган чет эллик талабалар, хусусан, 130 нафар покистонлик талаба учун яратилган шарт-шароитлар ҳақида маълумот берилди. Учрашув давомида тез кунда Покистон Ислом Республикасидан яна 120 нафар талаба ва 10 нафар профессор-ўқитувчи Самарқандга ташриф буюриши ҳам маълум қилинди. Бу эса икки мамлакат ўртасидаги алоқаларнинг янги босқичда изчил ривожланиб бораётганидан далолат беради.
Ташриф асносида меҳмонлар Имом Ал-Бухорийнинг ҳаёти, унинг ҳадис илмига қўшган буюк маънавий мероси билан яқиндан танишиш мақсадида улуғ муҳаддис қабрини зиёрат қилишди ҳамда халқаро илмий-тадқиқот марказида бўлишди. Покистонлик мехмонларга Ал-Бухорийнинг маънавий мероси ёш авлодни диний қадриятлар ва анъаналарга садоқат руҳида тарбиялашда дастур-ул-амал бўлаётгани ҳақида маълумот берилди.
Делегация вакиллари Покистонда ҳам Ўзбекистонга катта қизиқиш билан қаралиши, хусусан, буюк алломаларимиз номи билан боғлиқ муқаддас қадамжоларни зиёрат қилиш ҳар бир инсоннинг энг катта орзуларидан бири эканлигини таъкидлашди.
Покистонлик меҳмонлар икки томонлама алоқаларнинг мустаҳкамланиб бораётгани ҳақида сўз юритар экан, зиёрат туризмни ривожлантиришга доир биргаликдаги саъй-ҳаракатлар юксак самара беришини қайд этишди. Делегация азолари шуниндек Самарқанд шаҳрининг қатор диққатга сазовор масканларини ҳам томоша қилишди.

Ўзбекистон мусулмонлари идораси матбуот хизмати