Жорий йилнинг 29 ноябрь куни Россия Ислом институтида анъанавий IV “Ислом билим юртлари фаолиятида инновацион технологиялар” номли халқаро илмий-амалий конференция бўлиб ўтади.
Ушбу конференция Россия Ислом институти ҳамда Татаристон мусулмонлари диний бошқармасининг ҳамкорлигида ўтказилмоқда.
Конференцияда Татаристон мусулмонлари муфтийси, Россия Ислом институти ректори, ўқитувчи ва ходимлари, шунингдек, Миср, Яман, Эрон ҳамда Тунис каби мамлакатлардан ташриф буюрувчи соҳа мутахассисларининг ҳам қатнашишлари кутилмоқда.
Тадбирда диний фанларни ўқитишнинг ўзига хос хусусиятлари, хорижий тилларни ўқитишнинг замонавий усуллари ҳамда Ислом иқтисодиёти ва унинг долзарб муаммолари каби масалалар муҳокама қилиниши режалаштирилган.
Даврон НУРМУҲАММАД
тайёрлади
