Joriy yilning 25-27 dekabr' kunlari Shimoliy Amerikadagi eng yirik musulmonlar forumi Kanadaning Toronto shahrida “Muborak uchrashuv” shiori ostida bo'lib o'tadi.
Bu yilgi “Islom ruhining tiklanishi” konferentsiyasida Mavlono Toriq Jamil, Zayd Shaker, Siraj Vahaj, Shayx Abdulhakim Murod, Shayx Yosir Qoziy, Shayx Umar Sulaymon va Yasmin Muhammad, Oysha Prime kabi bir qator taniqli olim va faollar ishtirok etib, dolzarb mavzularni muhokama qilishi kutilmoqda.
Mazkur sammitda germaniyalik musulmonlar ham ma'ruza qilishi va bir qator loyihalarni ilgari surishi rejalashtirilgan.
Ushbu forum “Kovid-19” sababli so'nggi ikki yilda onlayn shaklda o'tkazildi.
Ma'lumki, “Islom ruhining tiklanishi” mavzuidagi forum ilk bor yigirma yil avval musulmon yoshlari tomonidan AQSh dagi 11-sentyabr' voqealaridan keyingi islomofobiya hodisasiga qarshi kurashish va g'ayridinlar bilan o'zaro hamkorlik ko'prigi o'rnatish maqsadida tashkil etilgan edi.
O'MI Halqaro aloqalar bo'limi
Bugun, 2 sentyabr kuni Misr Arab Respublikasi poytaxti Qohira shahrida Prezident Abdulfattoh as-Sisi homiyligida hamda Butunjahon fatvo idoralari va hay’atlari Bosh kotibiyati tashabbusi bilan nufuzli xalqaro anjuman o‘z ishini boshladi.
"Global o‘zgarishlar sharoitida oilaviy masalalar: oilani himoya qilish, uning kelajagi va milliy-diniy o‘zlikni asrashda fatvo yondashuvlari" mavzusidagi mazkur ilmiy anjumanda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ishtirok etmoqda.
Ikki kun davom etadigan xalqaro yig‘inda dunyoning ko‘plab mamlakatlaridan tashrif buyurgan yetakchi muftiylar, taniqli ulamolar, xalqaro islomiy tashkilotlar rahbarlari, davlat va jamoat arboblari hamda soha mutaxassislari qatnashmoqda.
Anjuman kun tartibidan zamonamizning quyidagi eng dolzarb masalalari o‘rin olgan:
– Globallashuv, raqamli texnologiyalar va sun’iy intellekt davrida oila instituti duch kelayotgan muammolarning ilmiy tahlili;
– Zamonaviy oilaviy inqirozlarni puxta tadqiq etish va ularga shar’iy hamda amaliy yechimlar topish;
– Virtual muhitning oilaviy munosabatlarga ta’sirini o‘rganish hamda ularni mustahkamlash yo‘llari;
– Milliy-diniy o‘zlikni saqlash va zararli media kontentlarga qarshi kurashda jamoaviy fatvolar ishlab chiqish.
Xalqaro anjuman tafsiloti bilan saytimiz va ijtimoiy tarmoqlardagi sahifalarimiz orqali tanishib borishingiz mumkin.
O‘zbekiston musulmonlari idorasi Matbuot xizmati