22 Июл, 2025, 27 Муҳаррам, 1447
22 Июл, 2025, 27 Муҳаррам, 1447
— Бизнинг хўрозимиз қўшниларни хўрозидан кўп қичқиради. Кўп йиллар олдин бир одам ҳовлимизга келиб, ҳовлиларингни тозаланглар, жинлар жойлашиб олган, деган эди. Хўроз жинларни кўрса кўп қичқириши рост-ми?
— Бу сўзларни нотўғрилигини қуйидаги ҳадис тасдиқлайди.
Абу Ҳурайра розияллоҳу анҳудан ривоят қилинади. Пайғамбаримиз соллаллоҳу алайҳи васаллам: “Вақтики хўроз қичқирганини эшитсангиз Аллоҳ таолонинг фазлини сўранг, чунки хўроз фариштани кўрганда қичқиради. Вақтики эшакни ханграганини эшитсангиз Аллоҳдан паноҳ тиланг, чунки эшак Шайтонни кўрганда ханграйди”, деганлар. Демак, хўроз қичқирган пайтда шумланиш ўрнига ушбу ҳадисда келган дуони айтишимиз лозимдир.
Муҳаммад Айюб ҲОМИДОВ
Аллоҳ таоло айтади: "Уларни (Аллоҳнинг) Ўзи уларга танитган жаннатга киритур" (Муҳаммад сураси, 6-оят).
Имом Табарий раҳимаҳуллоҳ: "Жаннат аҳли жаннатдаги уйларини таниб олишади. Ҳатто бир киши жаннатда ўз уйига дунёдаги уйига келгани каби бориб олади", деди.
Ибн Касир раҳматуллоҳи алайҳи: "Яъни, улар жаннатда ўз манзилларини осон топадилар", деди.
Имом Қуртубий раҳимаҳуллоҳ: "Бу оят мўминларга берилган улуғ бир муждадир. Чунки дунёда улар сабр қилдилар, иймонларини мустаҳкам тутдилар. Энди жаннатда ўз маконларини Аллоҳнинг ҳидояти билан осонгина топадилар. Бу Аллоҳнинг уларга лутфидир", деди.
Аллоҳ таоло мўминлар ва тақводорларни Ўзи уларга тавсифлаб, таърифлаб берган жаннатга киритади. Бу жаннат улар учун аввалдан тайёрланган ва улар унда ўз манзилларини худди дунёдаги уйларини билгандек, осонгина топадилар.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа