 
    
    
    
  
  
  
  
  
  
    
  Қозоғистон мусулмонлари диний идораси раиси, бош муфтий Науризбой ҳожи Тағанули муфтий Нуриддин домла Холиқназаров ҳазратларига табрик йўллади. Унда жумладан шундай дейилади:
– Сиз муқаддас динимизнинг тарқалишига салмоқли ҳисса қўшдингиз. Раҳматли Усмонхон Алимовнинг хайрли ишларини давом эттириб, яхши ташаббусларни мунтазам тарзда амалга ошириб борасиз, деган умиддаман.
Аминманки, Сиз икки диний идора ўртасидаги олтин кўприкка айланасиз. Умид қиламанки, келгусида динимиз ривожига, икки мамлакат ўртасидаги диний алоқаларнинг мустаҳкамланишига биргаликда ҳисса қўшамиз, инша Аллоҳ.
Науризбой ҳожи Тағанули
Қозоғистон мусулмонлари диний идораси раиси, бош муфтий
 
    
    Бисмиллаҳир Роҳманир Роҳийм
حدثنا ابن أبي خيثمة نا المثنى بن معاذ بن معاذ نا أبي عن شعبة عن علي بن مدرك عن إبراهيم النخعي عن عبد الله عن النبي صلى الله عليه وعلى آله وسلم قال :”أيعجز أحدكم أن يقرأ ثلث القرآن كل ليلة “ قالوا: ومن يطيق ذلك  قال: بلى ﴿قل هو الله أحد﴾.
 
Абдуллоҳ розияллоҳу анҳудан ривоят қилинади.
Набий соллаллоҳу алайҳи ва ъалаа олиҳи васаллам: “Биронтангиз ҳар бир кеча Қуръони каримнинг учдан бирини ўқишга ожизми?” деб сўрадилар.
Одамлар: “Бунга кимнинг ҳам кучи етарди?” дейишди.
У зот алайҳиссалом: “Ҳа, кучи етади, (у) “Қул ҳуваллоҳу аҳад”дир, дедилар.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси