Паркент тумани “Сирли” жоме масжидида марҳум муфтий Усмонхон Алимов, Тошкент вилоятининг собиқ бош имом-хатиби Хайруллоҳ домла Турматов, Паркент туманида яшаб, динимизга хизмат қилиб ўтган имом домлаларни хотирлаш мақсадида эҳсон дастурхони ёзилди.
Қуръони карим тиловати билан бошланган хотира тадбирида марҳум имомларимизнинг хайрли ишлари, динимиз равнақи йўлида қилган хизматлари эсланиб, уларнинг ҳақларига хайрли дуолар қилинди.
Йиғилишда ҳудуддаги масжидлар қурилишида фаол, ташаббускор ва жонкуяр бўлган имомлар Ўзбекистон мусулмонлари идораси Тошкент вилояти вакиллиги томонидан ташаккурномалар билан тақдирланди.
Тадбирда иштирок этган Ўзбекистон мусулмонлари идораси Масжидлар бўлими мудири Муҳаммадназар домла Қаюмов, Тошкент вилояти бош имом-хатиби ўринбосари Миродил домла Миржалилов, Тошкент тумани бош имом-хатиби Ғуломиддин домла Эргашев, Зангиота тумани “Абу Бакр Сиддиқ” жоме масжиди имом-хатиби Нурали домла Мавлонов ўз маърузалари ҳамда дуолари билан йиғилишни чиройли якунлаб бердилар.
Тадбир сўнгида Қуръони карим хатми марҳум домлалар руҳларига бағишланди.
Бисмиллаҳир Роҳманир Роҳийм
Cавол: Рўзадорнинг оғзига ёмғир ёки қор парчаси кирса, рўза бузиладими?
Жавоб: Бисмиллаҳир роҳманир роҳим. Рўзадор кишининг оғзига беихтиёр ёмғир томчилари ёки қор парчалари кириб, томоғидан ўтса, рўзаси бузилади ва қазо рўза тутиши вожиб бўлади.
Бу ҳақда Ҳанафий фиқҳий манбаларимизда бундай дейилади: “Рўзадорнинг томоғига кўз ёшлари, тер томчилари, бурнидан оққан қон, ёмғир ёки қор етса, рўзаси бузилади. Чунки гоҳида оғизни очиб, гоҳида юмиб, томоққа юқорида саналган нарсалар кетишидан сақланиш осон. Агар мазкур нарсаларни билиб туриб ютса, каффарот вожиб бўлади” (“Баҳрур роиқ” китоби).
“Ёмғир ва қор (томоқдан ўтса рўзани бузиши) ҳақида уламолар ихтилоф қилишган, тўғрироғи рўзани бузади. Чунки ундан чодир ёки бошқа бошпана ёрдамида сақланиш мумкин” (“Иноя шарҳул ҳидоя” китоби).
“Ёмғир ва қор рўзадорнинг томоғига кирса, рўзасини бузади. Бу саҳиҳ қавлдир. “Зоҳирия” китобида шундай келган” (“Фатовои ҳиндия” китоби). Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 