26 Феврал, 2026, 9 Рамазон, 1447
26 Феврал, 2026, 9 Рамазон, 1447
Навоий вилоятига сафари давомида Ўзбекистон мусулмонлари идораси раиси ўринбосари Иброҳимжон домла Иномов Конимех туманидаги “Мих Ота”, Навбаҳор туманидаги масжидига ташриф буюриб, "Шукроналик фазилати" мавзусида суҳбат қилиб бердилар.
Дарҳақиқат, Аллоҳ таоло инсонни мукаррам қилиб яратиб, унга сон-саноқсиз неъматлар ва туганмас яхшиликларни ато қилди. Бу неъмат ва яхшиликлари билан инсонни бошқа яратилганлардан афзал қилди.
Қуръони каримда марҳамат қилинади: “Эй, имон келтирганлар! Аллоҳгагина ибодат қилувчи бўлсангиз, сизларга Биз ризқ қилиб берган покиза нарсалардан еб, Унга шукр қилингиз!” (Бақара сураси, 172-оят).
Пайғамбаримиз саллаллоҳу алайҳи васаллам шукр ҳақида бундай деганлар:
“Ким озига шукр қилмаса, кўпига ҳам шукр қилмайди. Ким инсонларга ташаккур айтмаса, улардан миннатдор бўлмаса, Аллоҳ таолога ҳам шукр қилмайди. Неъматлар ҳақида гапириш – шукрдир. Уни гапирмаслик эса –ношукурликдир. Жамоат билан юриш – раҳматдир. Ёлғизлик эса – азобдир”, – дедилар (Имом Бухорий ва Имом Муслим ривоятлари).
Шукрнинг фазилатларидан яна бири шуки, инсон шукр қилса, ризқи яна зиёдалашади. Бу ҳақда ҳазрати Али разияллоҳу анҳу шундай деганлар: “Неъмат шукрга, шукр эса зиёдаликка боғлангандир. Модомики банда шукр қилишда давом этар экан, Аллоҳ таоло ҳам зиёда қилишда бардавом бўлади” (Имом Байҳақий ривояти).
Шайх Зулфиқор Аҳмад Нақшбандий ҳафизаҳуллоҳ бундай деганлар: “Ҳар бир инсон ўз ҳолига, ҳаётига, қисматига, тақдирига рози бўлишни, шукр қилишни ўрганиши керак. Чунки, бу ҳаётни унга Аллоҳ субҳонаҳу ва таоло раво кўрди ва шундай бўлишини ирода қилди. Шунинг ўзи – катта марҳамат, шунинг ўзи – катта бир неъмат! Шукр қилсак, Аллоҳ бундан ҳам зиёда қилади. Аммо ношукурлик қиладиган бўлсак, бошқа ҳаётларга ҳавас қиладиган бўлсак, ўзимиздаги боридан ҳам маҳрум бўлиб қолишимиз мумкин”.
Маърифий суҳбат савол-жавобга уланиб кетди. Якунда хайрли дуолар қилинди.
Ўзбекистон мусулмонлари идораси матуот хизмати
Бисмиллаҳир Роҳманир Роҳийм
“IQNA” ахборот агентлиги хабар беришича, Миср Араб Республикаси Вазирлар Кенгаши раиси, доктор Мустофо Камол Мадбулий жаноблари 2026 йил 504-сонли қарорни имзолади. Унга кўра, “Ал-Азҳар аш-Шариф” университети ҳузурида “Қуръони карим қироатлари ва илмлари” факультети ташкил этилади.
Миср расмий газетасида эълон қилинган ушбу қарор мамлакат конституцияси (қомуси) ҳамда 1961 йилги 103-сонли “Ал-Азҳар аш-Шариф ва унга қарашли муассасаларни қайта ташкил этиш тўғрисида”ги қонун ва унинг ижро низомига асосланади. Мазкур ташаббус “Ал-Азҳар аш-Шариф” университетида олий таълим тизимини ривожлантириш йўлидаги стратегик ташаббус сифатида баҳоланмоқда.
Факультетни ташкил этишнинг ҳуқуқий асослари
Қарор матнида 2024 йилги 304-сонли Президент қарорига ҳам таянилган бўлиб, унда айрим ваколатларни топшириш масаласи белгиланган. Бу эса таълим тизимини қўллаб-қувватлашда давлат идоралари ўртасидаги ҳамкорликни кўрсатади.
Шунингдек, 2025 йил 18 ноябрь куни бўлиб ўтган “Азҳар Олий Кенгаши” йиғилишида мазкур ташаббус маъқулланган. Лойиҳа “ал-Азҳар аш-Шариф” мажмуаси раҳбари, доктор, шайх Аҳмад Таййиб ҳазратлари томонидан тақдим этилган кенг қамровли таълимий дастур асосида ишлаб чиқилган.
Факультет тузилмаси ва жойлашуви
Қарорнинг биринчи ва иккинчи моддаларига кўра, талабалар мутахассислиги ва улар учун муносиб таълим муҳитини яратиш мақсадида икки мустақил факультет очилади:
Йигитлар бўлими: “Қуръони карим қироатлари ва илмлари” факультети (йигитлар учун) – Қоҳира шаҳридаги “Ал-Азҳар” университети “Ислом даъвати” факультети биносида фаолият олиб боради.
Қизлар бўлими: “Қуръони карим қироатлари ва илмлари” факультети (қизлар учун) – Қоҳира шаҳридаги“Ал-Азҳар” университети “Ислом ва арабшунослик тадқиқотлари” факультети биносида фаолият олиб боради.
Ўқув жараёни бошланиш муддати
Қарорнинг учинчи моддасига мувофиқ, ҳар икки факультетда ўқиш 2026/2027 ўқув йилидан бошланади. Қарор расмий газетада чоп этилган бўлиб, шу орқали кучга кирди ва бунга мувофиқ “Қуръони карим қироатлари ва илмлари” соҳасида ихтисослашган академик таълимнинг янги босқичи бошланади.
Манбалар асосида
Илёсхон АҲМЕДОВ
тайёрлади.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 