Навоий вилоятига сафар чоғида Ўзбекистон мусулмонлари идораси раиси ўринбосари Иброҳимжон домла Иномов Нурота туманидаги “Осиёбаланд” жоме масжидига ташриф буюрди.

Устоз аср намозини жамоат билан адо этгандан сўнг динимиз мазмун-моҳияти, динга хизмат қиладиган уламоларнинг қадри, юртимизда диний-маърифий соҳада амалга оширилаётган хайрли ишлар ҳақида ҳикматли сўзлар ила мазмунли маъруза қилиб берди. Бундан намозхонлар мамнун бўлди.

Мазмунли суҳбат савол-жавобларга уланиб кетди. Якунда хайрли дуолар қилинди.

Навоий вилоят вакиллиги матбуот хизмати