Бугун бизга қайғули бир хабар келиб тушди – Ўзбекистон мусулмонлари идораси раиси, Ўзбекистон Республикаси Олий муфтийси Шайх Усмонхон Aлимов вафот этдилар.
Москва мусулмонлари диний бошқармаси ва ўз номимдан Шайх Усмонхон Aлимовнинг оилалари ва яқинларига ҳамда бутун Ўзбекистон умматига чуқур ҳамдардлик билдираман. Ўтганларни сўзлар билан орқага қайтариб бўлмайди. Лекин биз, мусулмонлар, “Биз, албатта, Aллоҳникимиз ва Унгагина қайтамиз”, деган ақийдадамиз (Бақара сураси, 156-оят).
Aлбатта, бу жуда оғир йўқотиш, Ўзбекистон халқи Шайх Усмонхон Aлимов эришган ютуқларни доимо ёдда сақлайди. Усмонхон Aлимов Исломнинг асл қадриятларини қайта тиклаш ва асраб-авайлашга катта ҳисса қўшди. Йиллар давомида у нафақат халқига, балки бутун мусулмонлар манфаати учун чин дилдан хизмат қилиб, муҳим лойиҳаларни қўллаб-қувватлаш ва амалга оширга улкан ҳисса қўшди.
Қодир Аллоҳдан ҳурматли шайх Усмонхон Aлимовнинг руҳини қабул қилиб, ўз раҳматини ато этишини сўраймиз. Aллоҳ таоло марҳумнинг билиб-билмай гуноҳларни кечирсин, яхшиликларини қабул қилсин ва энг яхши мукофотлар ила мукофотласин, жаннати наъимда энг юқори даражаларни ато этсин.
Москва муфтийси Илдар Aляутдинов
Бисмиллаҳир Роҳманир Роҳийм
Анас ибн Молик розияллоҳу анҳудан ривоят қилинади: "Бир куни Расулуллоҳ соллаллоҳу алайҳи васаллам билан бирга эдик, шунда бироз жим туриб қолдилар-да, сўнг табассум ила бошларини кўтардилар. Биз: "Сизни нима кулдирди, ё Аллоҳнинг Расули?", дедик. "Менга ҳозиргина бир сура туширилди", деб: "Бисмиллаҳир роҳманир роҳийм. Иннаа аътойнакал Кавсар" сурасини қироат қилдилар. Сўнгра: "Кавсар нималигини биласизларми?" дедилар. "Аллоҳ ва Унинг Расули билувчироқдир", дедик. "У Роббим азза ва жалла менга ваъда қилган дарёдир. Унда кўп яхшилик бордир. У қиёмат куни умматим келиб ҳузуримда сув ичадиган ҳовуздир. Унинг идишлари юлдузлар ададича".