Хабар берганимиздек, Эрон ташқи ишлар вазири Тошкентда қурилаётган Ислом цивилизацияси марказига ташриф буюриб, у музей, кўргазма заллари, катта кутубхона, архив, ахборот технологиялари маркази, қўлёзмалар бўлимлари, хаттотлик, ислом мероси сақланадиган жой, қўлёзмаларни тиклаш лабораторияси ва бошқаларни ўз ичига олади.
Жавод Зариф ушбу лойиҳа ёшларга ислом тарихи ва соф қадриятлари билан танишишга ёрдам беришини айтди.
Шунингдек, у марказ исломий қадриятларга ишончни мустаҳкамлашини, экстремизмга қарши курашда ёрдам беришини ва исломнинг зўравонлик ила талқин қилинишининг олдини олишини таъкидлади, дея хабар беради Tasnim News.
Марказ раҳбари Шоазим Миноваров вазир жанобларига ислом қўлёзмаларини асраб-авайлаш ва тарқатиш мақсадида бутун дунё ислом тадқиқотчилари учун барпо этилаётган Ислом цивилизацияси маркази ҳақида маълумот берди.
Маълумот учун, Эрон ташқи ишлар вазири Жавод Зариф Марказий Осиё давлатларига сафар қилмоқда. Ўзбекистондан кейин Қирғизистон, Қозоғистон ва Туркманистонга ҳам ташриф буюради.
Ўзбекистон мусулмонлари идораси матбуот хизмати
حدثنا أبو جعفر محمد بن علي الوراق نا عبيد الله بن محمد أبو محمد القرشي التيمي نا عبد الرحمن بن حماد نا حفص بن سليمان أنا طلحة بن يحيى بن طلحة عن أبيه عن طلحة بن عبيد الله قال: سألت رسول الله صلى الله عليه وعلى آله وسلم عن تفسير سبحان الله قال: فقال: هو تنزيه الله عن كل سوء.
Талҳа ибн Убайдуллоҳ розияллоҳу анҳудан ривоят қилинади: “Расулуллоҳ соллаллоҳу алайҳи ва ъалаа олиҳи васалламдан “Субҳаналлоҳ”нинг тафсири ҳақида сўрадим. У зот алайҳиссалом: “У Аллоҳ таолони ҳар қандай нопокликдан поклашдир”, дедилар”.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД