Муборак Рамазон ойи муносабати билан Шарқий санъат халқаро аукцион уйи қадимий Ислом асарлари, жумладан, энг қадимий қўлёзма ва кулолчилик буюмларини тақдим этди.
“IQNA” сайтининг “Sada Elbalad”га таяниб хабар беришича, Ислом санъати аукционида XIV-XV асрлар, яъни Мамлуклар даврига оид 42 евролик йирик Мусҳафи шариф сотилди.
Ушбу қўлда ёзилган Қуръони карим ўзининг катта ҳажми билан тўлиқ ва ҳайратланарли ва жуда кам учрайди XIV аср ва XV аср бошларида мамлук султонлари ва вазирлари орасида жуда катта ҳажмдаги қўлда ёзилган Қуръон китобларни ёзиш кенг тарқалган эди. Илгари Шимолий Aфрика ёки Узоқ Шарқдан 9 асрга оид Куфий Мусҳаф қисмлари ушбу аукционда 1000–1200 еврога баҳоланган эди.
Эслатиб ўтамиз, аввалроқ “Sotheby's” юмалоқ сариқ ва қизил ҳалқалар билан безатилган исломий санъат, жумладан Қуръон саҳифалари ва оятларини намойиш этган. Қуръон сураларининг сарлавҳалари қизил ранг билан белгиланган, Қуръоннинг қўшимча чекка матнлари сариқ, қизил ва қора ранглар билан ажралиб туради ва ушбу Мусҳаф 15минг – 25 минг фунт стерлингга баҳоланади.
Ўзбекистон мусулмонлари идораси Матбуот хизмати
Шу йил 12 июль бош имом-хатиб Мусохон домла Аббосиддинов раислигида Ўзбекистон мусулмонлари идораси Наманган вилоят вакиллигида ҳудуддаги имом-хатиблар иштирокида йиғилиш ўтказилди. Унда Наманган вилояти ҳокимининг ўринбосари Хотамов Жамшид иштирок этди.
Йиғилишда 2025 йилнинг биринчи ярмида амалга оширилган ишлар муҳокама этилиб, келгусида амалга оширилиши лозим бўлган ишлар келишиб олинди.
Йиғилишда имомлик шарафли ва масъулиятли вазифа экани, бугунги кун имоми замонга зийраклик, теран фикр билан қараши, ўз устида мунтазам ишлаши ва мўмин-мусулмонларнинг маънавий-маърифий соҳадаги эҳтиёжларини таъминлаш учун тинимсиз изланиб, хизмат қилишлари зарур экани алоҳида қайд этилди.
Шунингдек, имомлар ҳудудлардаги маҳаллалар билан мунтазам алоқада бўлиб, ҳожилар билан бирга ёшлар тарбиясига алоҳида эътибор қаратиш, илм-маърифатга қизиқтириш ва ёш авлод келажаги учун мустаҳкам пойдевор яратиш, оилаларни тинч-тотув яшаши, фарзандларни бевақт тирик етим бўлмаслиги учун ажримларнинг олдини олиш, кексаларни ҳурмат қилиш, қўшничилик одобларига риоя қилиш, юрт тинчлиги ва осойишталиги учун барча бирдек масъуллиги кабиларга алоҳида эътибор қаратиш таъкидланди.
Йиғилишда ташкилий масала кўрилди. Норин тумани бош имом-хатиби ва “Ҳаққулобод” жоме масжиди имом-хатиби лавозимида ишлаб келаётган Камолиддин домла Ҳамроқулов вазифасидан озод этилиб, тумандаги “Ҳаққулобод” жоме масжиди имом-ноиби лавозимига ўтказилди. Норин тумани бош имом-хатиби ва “Ҳаққулобод” жоме масжиди имом-хатиби лавозимига Зикрулло домла Умурзоқов тайинланди.
Шунингдек, Уйчи туманидаги “Худойберди эшон” жоме масжиди имом-хатиби Олимхон домла Исақов, Тўрақўрғон туманидаги “Исфаҳон” жоме масжиди имом-хатиби Муҳибулло домла Худойбердиев ва Янгиқўрғон туманидаги “Бешбулоқ” жоме масжиди имом-хатиби Акмалхон домла Саппановларга туман бош имом-хатиби лавозими юклатилди.
Йиғилиш якунида Наманган вилоятида узоқ йиллардан бери хизмат қилиб келаётган, бугунги кунда нафақа ёшига етган бир гуруҳ имом-хатиб ва имом-ноибларга вакиллик томонидан ташаккурнома ва қимматбаҳо эсдалик совғалари топширилди.
Ўзбекистон мусулмонлари идораси
Наманган вилояти вакиллиги
Матбуот хизмати