06 Июн, 2025, 10 Зулҳижжа, 1446
06 Июн, 2025, 10 Зулҳижжа, 1446
Саудия Арабистони Подшоҳлиги Макка шаҳридаги “Масжидул Ҳаром”нинг юқори қаватида кексалар ва эҳтиёжманд зиёратчиларга хизмат кўрсатадиган “ақлли” голф машинаси ишга туширилди. “Saudi Gazette”нинг Икки Муқаддас масжид ишлари бўйича бош бошқармасига таяниб хабар беришича, голф аравасидан тавоф қилиш (Муқаддас Каъба атрофида айланиб ўтиш) мумкин.
Департаментнинг таъкидлашича, эҳтиёжманд зиёратчилар голф аравалари жойлашган жойга “Aжад” эскалаторлари ва “Қирол Aбдулазиз” дарвозасидаги лифтлар орқали боришлари мумкин. Голф машинаси иш вақти 12 соат яъни ҳар куни 16:00 дан 4:00 гача.
Қайд этилишича, хизмат фақат тавоф қилиш учун кўрсатилади ва унинг нархи бир киши учун қўшилган қиймат солиғи билан 25 саудия риёлини ташкил этади. Ҳозирда зиёратчилар тавоф қилиши учун 50 та голф машиналари мавжуд, уларнинг ҳар бири 10 йўловчига мўлжалланган.
Ўзбекистон мусулмонлари идораси Матбуот хизмати
Президент Шавкат Мирзиёев 28 май куни Самарқандга ташриф буюриб, Имом Бухорий мақбарасини зиёрат қилди. Қуръон оятлари тиловат қилинди.
Бутун ислом оламида Имом Бухорийнинг ҳурмати юксак, унинг мақбарасини кўриш истагидаги инсонлар кўп. Шу боис зиёратчиларга шароитларни кенгайтириш мақсадида бу ерда янги мажмуа барпо этилмоқда.
Ташриф чоғида Президентимиз қурилишнинг боришини кўздан кечирди.
Мажмуанинг умумий майдони 44 гектар этиб кенгайтирилган. Ҳозирги кунда мўътабар мақбара, 10 минг кишилик масжид, 4 та минора қуриб битказилган.
Янги мажмуа зиёрат билан бирга маърифат, тарбия, ибрат ўчоғи бўлади. Музей, маъмурият, меҳмонхона ва бошқа хизмат кўрсатиш биноларини ўз ичига олади. Пештоқлар ва айвон деворларига “Саҳиҳи Бухорий”дан ҳадислар битилади.
Давлатимиз раҳбарига мажмуада бўлажак шароитлар ҳақида ахборот берилди. Мақбара ҳовлиси ва хиёбонларга кўпроқ дарахтлар экиш зарурлиги айтилди.
president.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа