29 Август, 2026, 16 Рабиъул аввал, 1448
29 Август, 2026, 16 Рабиъул аввал, 1448
Таиланд ҳукумати ҳалол саноатни ривожлантириш орқали ушбу соҳадан тушаётган даромадни унинг иқтисодий ривожланиши ва барқарорлиги кўрсаткичларидан бирига айлантиришга ҳаракат қилмоқда.
Таиланд IQNA сайти маълумотларига кўра, жаҳонда озиқ-овқат, хусусан, ҳалол маҳсулотларга бўлган талаб ортиб бораётгани сабаб ҳалол маҳсулотлар ишлаб чиқарувчи ва экспорт қилувчи дунёдаги етакчи давлатлардан бири эканини ҳисобга олиб, мамлакат ҳукумати ушбу соҳани ривожлантириш истагини билдирмоқда.
Унга кўра ҳалол маҳсулотлар фақат озиқ-овқат билан чекланиб қолмай, балки бозор қиймати 2 триллион доллардан ортиқ бўлган мода, медиа, фармацевтика ва туризм каби бошқа соҳаларни ҳам ўз ичига олади.
Ҳозирда Таиланд озиқ-овқат экспортининг 20 фоизи ҳалол маҳсулотларга тўғри келади. 2021 – 2022 йилларда Таиланд ҳалол маҳсулот экспортидан 6 миллиард доллар даромад олди.
Ушбу мақсадга эришиш учун янги ҳукумат барча тегишли муассасаларни ўқув курсларини тезлаштириш ва осонлаштириш, зарур лицензия ва сертификатлар бериш, зарур жиҳозлар билан таъминлаш ва уни Ҳалол стандартлари тамойиллари асосида стандартлаштиришга сафарбар этди.
Ўзбекистон мусулмонлари идораси
Матбуот хизмати
Жорий йилнинг 26 август куни Ўзбекистон мусулмонлари идорасида «Вақф» хайрия жамоат фонди ҳамда Туркия Диёнат вақфи масъул ходимлари иштирокида видеоконференция форматида мулоқот бўлиб ўтди.
Учрашувда икки муассаса ўртасида имзоланган меморандум ва унинг асосида ишлаб чиқилган йўл харитасидаги вазифалар ижроси атрофлича муҳокама қилинди. Томонлар шериклик алоқаларини мустаҳкамлаш ҳамда унинг амалий механизмларини белгилаб олиш масалаларига алоҳида эътибор қаратдилар.
Мулоқот давомида вазифаларнинг жорий ҳолати таҳлил қилиниб, истиқболда амалга ошириладиган қўшма ташаббуслар ва ижтимоий лойиҳалар борасида ўзаро тажриба алмашишга келишиб олинди. Хусусан, таълим ва маданият соҳаларидаги қўшма ташаббуслар, ёшлар билан ишлаш ва ижтимоий лойиҳаларни ҳаётга татбиқ этиш, хорижий хайрия хизматларини ташкил этиш ҳамда закот ва хайрия муносабатларини янада ривожлантириш каби ўзаро манфаатли йўналишлар бўйича атрофлича фикр алмашилди.
Таъкидлаш жоизки, мазкур мулоқот икки қардош давлат вақф фондлари ўртасидаги диний-маърифий ва саховат йўналишидаги алоқаларни янги босқичга олиб чиқишга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 