Рамазон вақтларини қандай ўтказайлик?
Қуръони каримни кўп тиловат қилинг. Набий саллоллоҳу алайҳи васаллам ўзлари Жаброил алайҳиссалом билан бир-бирларига галма-галдан Қуръони каримни ўқиб берар эдилар.
- Нафллар ва зикрларни янада кўпайтиринг.
- Мусулмонларнинг ҳожатлари ва эҳтиёжларини ўйланг ва уларнинг ғамларига шерик бўлинг.
- Бирор кимсадан озор етса , сабр қилинг ва ўзингиз ҳам ҳеч кимга озор берманг.
- Бирор кимса сиз билан жанжаллашишни ва беҳуда тортишишни хоҳласа, сиз унга “мен рўзадорман” денг.
- Фахш сўзлар, балки беҳуда сўзлардан ҳам ўзингизни сақланг.
- Мухаққиқ уламолар наздида қадр кечаси бирор кунга хос эмас. Шунинг учун ҳар кечада бироз бўлса ҳам ибодат қилишга ҳаракат қилинг. Токи, агар айнан ўша кеча қадр бўлса, у ҳолда бизга ўша кечанинг баракаларидан улуш насиб этсин.
- Ҳаргиз ёлғон гапирманг ва ҳеч кимни ғийбат қилманг.
- Нафл ишларнинг савоби фарзларга тенг бўлгани учун имкон қадар мухтожларга молиявий кўмак ҳам беринг.
- Ўз ходимларингиз ва қўл остидагиларингизнинг ишлари ва масъулиятларида енгиллик қилинг.
- Ла илаҳа иллаллоҳ, Муҳаммадур Росулуллоҳ ва истиғфорни кўп айтинг.
- Жаннатни кўп сўранг ва жаҳаннамдан кўп паноҳ сўранг.
- Ўта ожизлик ва хокисорлик ила кўп дуо қилинг.
- Газетхонлик ва ҳоказо каби мубоҳ ишларга ҳам камроқ вақт сарфланг.
- ДВД, ТВ, Кино кўрманг. Шунингдек, радио, магнитафон ва ҳоказолар орқали қўшиқлар ва беҳуда нарсалар эшитишдан жуда қаттиқ сақланинг.
- Таҳажжуд, ишроқ, чоштгоҳ, аввобийн намозларига хос эътибор қаратинг.
- Имкон бўлса бутун охирги ўн кунда эътикофга ҳиммат қилинг. Бўлмаса қанча имкон бўлса, шунча эътикоф нийяти ила масжидда ўтказинг. Аёллар ҳам ўз уйларида бирор жойни таъйин қилиб, эътикоф ўтира оладилар. Балки, улар ҳам ҳиммат қилишлари лозим.
- Бандаларга динни етказиш ва уларга ҳақни етказишга имкон қадар ҳаракат қилинг.
- Назарни сақланг ва номаҳрамлар ила заруратсиз гаплашишдан жуда қаттиқ сақланинг.
- Шовқин-сурон, бақир-чақир ва аҳли-аёлга, шунингдек, қўл остидагиларга зулм ва ҳаддан ошишликдан ўзингизни сақланг.
“Аҳкааме Рамазан”- китобидан. Мавлоно Муҳаммад Абдулқовий. 11-бет. Абдулқайюм Комил таржимаси
Ўзбекистон Республикаси Мустақиллигининг 35 йиллик байрами муносабати билан диний соҳа ходимлари иштирокида стол тенниси мусобақаси ўтказилди
Бугун, Ўзбекистон мусулмонлари идораси ташаббуси билан Қорақалпоғистон мусулмонлари қозиёти тизимида фаолият кўрсатиб турган масжид имом-хатиб ва имом-ноиблари иштирокида Ўзбекистон Республикаси Мустақиллигининг 35 йиллиги байрами муносабати билан спортнинг стол тенниси мусобақаси ташкил этилди.
Мусобақа пойтахтимиздаги Нукус олимпия ва паралимпия спорт турларига тайёрлаш марказида бўлиб ўтди.
Диний соҳа ходимлари ўртасида бўлиб ўтган ушбу стол тенниси мусобақасида 1-ўрин Тахтакўпир тумани «Абдулкарим охун» жоме масжиди имом-хатиби И.Аметниязов, 2-ўрин Тўрткўл тумани «Ғоиб ота» масжиди имом ноиби Р.Комилжонов, 3-ўрин Беруний тумани «Султон увос бобо» жоме масжиди имом-ноиби О.Машаловлар ғолиб деб топилди.
Мусобақа якунида Қорақалпоғистон Республикаси Вазирлар Кенгаши раиси ўринбосари А.Алланиязов, Қорақалпоғистон мусулмонлари қозиёти қозиси Б.Разов ва Нукус «Муҳаммад ибн Аҳмад ал Беруний» ўрта махсус ислом билим юрти директори Ж.Абдираззақовлар мусобақа иштирокчиларини ғалабалари билан табриклаб, келгуси ишларида муваффақиятлар тилади, мусобақа ғолибларига «Вақф» хайрия жамоат фонди Қорақалпоғистон бўлими томонидан эсдалик совғалари топширилди.
Қорақалпоғистон мусулмонлари қозиёти
