18 Апрел, 2026, 29 Шаввол, 1447
18 Апрел, 2026, 29 Шаввол, 1447
Рамазон ойининг фазилатлари бисёр. Шулардан учтасини келтирсак:
Абу Ҳурайра розияллоҳу анҳудан ривоят қилинади: “Албатта, Расулуллоҳ соллаллоҳу алайҳи васаллам: “Беш вақт намоз, бу жумъа кейинги жумъагача, бу Рамазон кейинги Рамазонгача – агар катта гуноҳлардан четда бўлинган бўлса – ўрталаридаги нарса (хато)ларга каффорот бўладилар” дедилар”. Имом Муслим ривояти.
Абу Ҳурайра розияллоҳу анҳудан ривоят қилинади: “Албатта, Расулуллоҳ соллаллоҳу алайҳи васаллам: “Ким Рамазон ойининг рўзасини иймон билан, савоб умидида тутса, ўтган гуноҳлари кечирилади” дедилар”. Имом Бухорий ва Имом Муслим ривоят қилишган.
Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Рамазон ойи кирганда, ундан гуноҳлари кечирилмасдан чиққан кишининг бурни ерга ишқалсин” дедилар”. Имом Аҳмад, Термизий, Бухорий, Ибн Ҳиббон ривоят қилишган.
Жобир розияллоҳу анҳудан ривоят қилинади: “Албатта, бир киши Расулуллоҳ соллаллоҳу алайҳи васалламнинг олдиларига келиб: “Эй Расулуллоҳ, агар фарз намозларни ўқисам, Рамазон (рўзасини) тутсам, ҳалолни ҳалол, ҳаромни ҳаром десам ва буларга ҳеч нарсани зиёда қилмасам, жаннатга кираманми?” деб сўради. Шунда Набий соллаллоҳу алайҳи васаллам “Ҳа” дедилар. Имом Муслим ривояти.
Аллоҳ таоло гуноҳларимизни кечирсин ва жаннатига меҳмон қилсин, омин!
Интернет маълумотларидан Нозимжон Иминжонов таржимаси
Шу йил 14-15 апрель кунлари Фарғона вилоятида Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов ва Тошкент ислом институти ректори Уйғун домла Ғофуров, Олий маъҳад Қуръон ва тажвид устозлари иштирокида маърифий учрашувлар ўтказилди.
Ташриф доирасида дастлаб Фарғона шаҳри ва Бувайда туманидаги “Қуръони карим ва тажвид” ўқув курсларини тамомлаган 150 нафар битирувчига сертификатлар топширилиб, соҳа ривожига ҳисса қўшаётган масъуллар тақдирланди.
Шу билан бирга, вилоятдаги 160 нафар отинойи ва хотин-қизлар фаоллари учун “Хотин-қизларни радикал ғоялар таъсиридан ҳимоя қилиш тизимини мустаҳкамлаш асослари” мавзусида сайёр малака ошириш ўқувлари бошланди.
Учрашув ва семинарларда асосий эътибор жамиятда соғлом диний муҳитни барқарорлаштириш, ёшлар тарбияси, бидъат ва хурофотларга қарши илм-маърифат билан курашиш ҳамда тинчлик неъматининг қадрига етиш каби долзарб масалаларга қаратилди.
Бу сингари тадбирлар ҳудудларда маънавий муҳитни соғломлаштириш ва мутахассисларнинг касбий маҳоратини оширишда муҳим омил бўлиб хизмат қилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 