17 Апрел, 2026, 28 Шаввол, 1447
17 Апрел, 2026, 28 Шаввол, 1447
Қуръонни ўқиб, маъноларини тушуниш учун Тафсири Ҳилол, Тафсири Ирфонни ўқиб, ўша маънолар ҳақида тафаккур қилган инсоннинг қалби яхши томонга тез ўзгаради.
Тафаккур қилиб, қалбида ўша маъно жо бўлгандан кейин ўша оятларнинг тиловатини кўзни юмиб эшитилса, катта ўзгариш бўлади.
Салафи солиҳларимиз Рамазон ойи келса, барча ишларини тўхтатиб, Қуръонни ўқишга, ўқитишга, оятлари устида тафаккур, тадаббур қилишга киришар эканлар.
Юнус ибн Язид айтади: “Ибн Шиҳоб Зуҳрий Рамазон ойи кирса, “Бу ой Қуръон тиловати ва таом улашиш ойидир” дердилар”.
Зубайд Ёмий Рамазон ойи келса, Мусҳафни олиб келар (яъни Қуръонни тиловат қилишга астойдил киришар) ва дўстларини ҳам шу ишга жамлардилар.
Саъид ибн Жубайр раҳимаҳуллоҳ ҳар икки кечада Қуръонни хатм қилардилар.
Муҳаммад ибн Исмоил Бухорий раҳимаҳуллоҳ Рамазон ойида кундузи бир хатм, ҳар уч кунда таровеҳ намозидан кейин яна бир хатм қилар эдилар.
Ҳа, улуғларимиз Рамазон ойида Қуръони Каримга ана шундай муомалада бўлардилар. Биз ҳам Қуръон ойида Қуръонни кўпроқ ўқийлик, оятларининг маъноси борасида тафаккур қилиб, қалбимизни поклашга уринайлик!
Аллоҳ таолонинг Ўзи бу борада барчамизга мадад берсин!
Нозимжон Иминжонов тайёрлади
Мамлакатимизнинг турли ҳудудларида, хусусан, Қашқадарё, Сурхондарё, Фарғона, Наманган ва Андижон вилоятларида отинойиларнинг касбий салоҳиятини юксалтиришга қаратилган тизимли ўқув семинарлари ва тренинглар юқори савияда давом этмоқда.
Ўзбекистон мусулмонлари идораси мутахассислари, вилоят бош имом-хатиблари ва соҳа олимлари иштирокида ўтаётган ушбу машғулотларда асосий эътибор отинойилар фаолиятини янги босқичга олиб чиқиш ҳамда уларнинг жамиятдаги ўрнини мустаҳкамлашга қаратилмоқда.
Семинарлар давомида иштирокчилар билан жамиятда соғлом маънавий муҳитни шакллантириш, оилавий қадриятларни асраш, ёшлар тарбияси ҳамда бидъат ва хурофотларга қарши маърифат билан курашиш каби долзарб мавзуларда қизғин мулоқотлар олиб борилмоқда.
Айниқса, ислом шариатидаги фиқҳий атамалар таснифи, аёлларнинг ҳуқуқ ва бурчлари, қайнона-келин муносабатлари ҳамда маҳаллий урф-одатларни тўғри талқин қилиш масалалари маърузаларнинг асосий мавзусига айланди.
Бу каби ўқувлар отинойиларнинг билим ва амалий кўникмаларини баҳолаш билан бирга, аҳоли орасида маънавий-маърифий ишлар самарадорлигини оширишда муҳим пойдевор бўлиб хизмат қилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 