Ҳосид ҳар куни кимнидир чақиб турмаса, ҳасад қилмаса туролмайди. Бу шундай дардки, ўзи бировга қишда қор бермайди, ўзгалар берганини эса кўролмайди. Гоҳо ўзига-ўзи ҳасад қилур, бу дардга уни кибру ҳаво солур. Ҳасад заҳрини солишга кимса топилмаса, ўзини-ўзи чақур. Нақадар аянчли!
Дунёда юрак хасталигидан оғриганларнинг аксари ҳасад сабаб ушбу дардга йўлиқади, ёруғ олам нурига ҳасад-ла боқиб, жон таслим қилади.
Аллоҳнинг қудрати билан чаённинг болалари ўз оналарини еб каттарар экан. Ҳасад ҳам, ҳасадчини еб битирар экан.
Эй азиз фарзанд! Ўзингни ҳасаддан сақла, ҳасад шундай дардки, у гўё аччиқ алаф кабидир, у алаф асалга қўшилса, унинг таъми ва рангини бузади. Ҳасад қалбнинг ва имоннинг кушандасидир. Бу дунёда ҳавас билан яшагин, ҳасад билан эмас. Шунда орзуингдаги бахтга эришасан.
Илону чаёндек чақма ҳар кимни,
Боласи чаённи ейди қилиб ем.
Қалбингда тўпласанг лим-лим ҳасадни,
Бир кун келиб, ўзинг йиғлайсан юм-юм.
ЎМИ Матбуот хизмати
Фарғона ва Қўқон шаҳарларида “Ҳаж-2026” мавсуми зиёратчилари билан кенг кўламли учрашувлар ўтказилди.
Вилоят бош имом-хатиби Убайдуллоҳ домла Абдуллаев ҳамда тегишли идоралар вакиллари иштирок этган тадбирда зиёратчиларга ибодатнинг маънавий фазилатлари ва сафар давомида амал қилиниши лозим бўлган тартиб-қоидалар батафсил тушунтирилди.
Учрашувда хавфсизлик, тиббий хизмат ва ташкилий масалаларга алоҳида урғу берилди.
Мутасаддилар зиёратчиларни интизомга риоя қилиш ва гуруҳ раҳбарлари тавсияларига амал қилишга чақирдилар.
Тадбир якунида бўлажак ҳожиларга оқ йўл ва ибодатлари қабул бўлиши тилаб дуолар қилинди.
Ўзбекистон мусулмонлари идораси
Матбуот хизмати