12 Август, 2025, 18 Сафар, 1447
12 Август, 2025, 18 Сафар, 1447
Куни кеча матбуотда Ўзбекистон Республикаси Президентининг «Диний-маърифий соҳа фаолиятини тубдан такомиллаштириш чора тадбирлари тўғрисида»ги фармони эълон қилинди.
Яхши гапнинг қаноти бўлади, деганларидек, мазкур тарихий ҳужжатни юртдошларимиз ўзгача хуш кайфият, кўтаринки руҳ билан кутиб олдилар. Фармонда кўп асрлик миллий ва диний қадриятларимизни авайлаб асраш, дунё илм-фани ва маданияти ривожида улкан ҳисса қўшган аждодларимизнинг бебаҳо меросини ўрганиш, шу асосда ёшларни комил инсон этиб тарбиялаш, жамиятда барқарор ижтимоий-маънавий муҳитни таъминлашнинг муҳим шартларидан бири эканлиги алоҳида таъкидланган.
Таъбир жоиз бўлса, Фармон айнан ана шу мақсадларга хизмат қилишга даъват этади. Мамлакатимизда диний бағрикенглик, виждон эркинлиги нақадар муқаддас эканлигини яна бир карра ифодалайди.
Маълумки, кейинги йилларда муқаддас динимизга хизмат қилиш йўлида, умуман, диний-маърифий соҳада мисли қўрилмаган ислоҳотлар амалга оширилмоқда. Ислом цивилизацияси маркази, Ислом академияси, Мир-Араб олий мадрасаси, Имом-Бухорий ва Имом-Термизий халқаро илмий-тадқиқот марказларининг бой маданий мероси кенг оммалаштирилмоқда. Қуръон мусобақаларининг ўтказилиши, асл иноят бўлган гўзал тиловатларнинг мамлакатларимиз оммавий ахборот воситаларида баралла ёритилиши, янги масжид ва намозхоналарнинг очилиши ҳақида кўп ва хўб гапириш мумкин.
Фармонда диний-маърифий соҳа фаолиятини тубдан такомиллаштиришнинг устувор йўналишлари аниқ ва равшан белгилаб берилган. Бу олдимизга янгидан-янги долзарб вазифаларни қўймокда ва масъулиятимизни оширмоқда. Энди аввалгидек, яъни эскича қолип билан ишлаб бўлмайди. Ҳар биримиз жойларда ижтимоий-маънавий муҳит барқарорлигини таъминлаш ишига ўзимизнинг муносиб ҳиссамизни қўшишимиз лозим. Фармон матни билан танишар эканмиз, яна бир карра биз, диний соҳа вакилларини иш жойи асли одамлар орасида, деган қатъий фикрни мустаҳкамлаб олдик.
Ҳақиқатан ҳам, ҳамиша одамлар орасида бўлиш, уларга яхшиликни тарғиб қилиш, ёмонликдан қайтариш ҳам фарз, ҳам қарз эканлигини бир дақиқа ҳам унутишга хаққимиз йўқ. Чунки одамлар биз дин вакилларига кўпроқ ишонадилар. Айни вақтда эса, биз бундан тўғри ва оқилона фойдаланишимизни даврнинг ўзи тақозо этмокда.
Фармоннинг ҳар бир жумласи, ҳар бир сатри ҳақида узоқ ва мароқли мушоҳада юритиш мумкин. Ушбу ҳужжат билан диний ижтимоий жараёнларни ўрганиш, ахборот-таҳлил маркази, Ўзбекистон халқлараро Ислом академияси, унинг таркибида минтақавий филиалларга эга бўлган малака ошириш марказлари, Ҳадис илми мактаби, «Вақф» ҳайрия жамоат фонди ташкил этилаётганлиги, «Зиё» медиа маркази иши самарадорлигини ошириш чора-тадбирлари, «Имом-Бухорий” давлат мукофотининг таъсис этилиши ва бошқалар ҳар бир мўмин-мусулмон замондошимиз қалбида фахр ва ифтиҳор туйғуларини жўш урдириши шубҳасиз, белгиланган чора тадбирлар доирасида диний-маърифий ташкилотларнинг моддий-техник таъминотини мустаҳкамлаш, соҳа вакиллари меҳнатини муносиб рағбатлантириш, ижтимоий ҳимоясини кучайтириш каби масалалар ҳам қамраб олингани таҳсинга сазовор.
Бу Фармоннинг қадр-қиммати кўпни кўрган, кекса диний уламоларимизнинг суҳбатларига кулоқ тутиб, яни ўтмишда улар қандай қийинчиликларга ва тақибларга дуч келганликларини мушоҳада қилганимизда яна ўн карра ортади, десак муболаға бўлмас. Шуларни ўйлаб, бугунги дориламон кунларга етиб келганлигимизга шукроналар қиламиз. Бир пайтлар хўрланган диний соҳа ходимлари, имом-хатиблар бугун жамиятимизнинг энг илғор вакилларига айланганлиги учун Яратганга ҳамду санолар айтамиз.
Хулоса ўрнида айтиш мумкинки, Фармон сатрларида муқаддас динимизнинг асл инсонпарварлик моҳияти, эзгулик, тинчлик ва инсонийлик каби фазилатлари азалий қадриятларимиз ифодаси эканлиги тўлақонли акс этиб турибди. У Ватанимиз равнақи, халқимиз бахт-саодати йўлида тинмай самарали меҳнат қилишга ундайди. Диний-маърифий соҳадаги фаолиятимизни янги сифат босқичига кўтаришга хизмат қилади.
Эътибор берган бўлсангиз керак, кексаларимиз дуога қўл очганларида дини Исломга қувват берсин, деб ният қиладилар.
Ислом маърифатини, унинг олижаноб қадриятлари, эзгу инсоний тамойилларини теран тушунган, нафақат халқимизга, бутун башариятга яхшилик истаб яшаётган, муқаддас динимизга холис хизмат қилаётган Юртбошимиздан Аллоҳ рози бўлсин!
М.МИРЖАЛИЛОВ
Қибрай тумани бош имом-хатиби
313 та ҳаётий ЗИЙНАТ қоидалари
ни
УЛУҒ УСТОЗ УЛАМОЛАРИМИЗ баён қилиб берганлар:
(2-қисм)
101) Сахийлик – бойнинг зийнати.
102) Очиққўллик – сахийнинг зийнати.
103) Кўп йиғи – хавф ва қўрқишнинг зийнати.
104) Улуғворлик – пошшолар зийнати.
105) Миннатни тарк қилиш – эҳсоннинг зийнати.
106) Ҳалоллик – ишнинг зийнати.
107) Хушуъ – намознинг зийнати.
108) Дўппи – ўзбекнинг зийнати.
109) Бунёдкорлик – меҳнатнинг зийнати.
110) Савод – билимнинг зийнати.
111) Илм – инсониятнинг зийнати.
112) Сабр – бало-офатнинг зийнати.
113) Донолик – тажрибанинг зийнати.
114) Мулоҳазалилик – фикрнинг зийнати.
115) Сўзда туриш – эркакнинг зийнати.
116) Вақтга риоя – масъулиятнинг зийнати.
117) Қалб мусаффолиги – яхши инсоннинг зийнати.
118) Тинчлик – юртнинг зийнати.
119) Бирдамлик – миллатнинг зийнати.
120) Ҳур фикр – эркинликнинг зийнати.
121) Тоат-ибодат – руҳнинг зийнати.
122) Адолат – давлатнинг зийнати.
123) Ибрат – ўтганлар ҳаётининг зийнати.
124) Хотира – инсон қадрининг зийнати.
125) Қалб юмшоқлиги – раҳм-шафқатнинг зийнати.
126) Яхши сўз – забоннинг зийнати.
127) Бардош – синовларнинг зийнати.
128) Қувонч – юракнинг зийнати.
129) Қаноат – ҳаётнинг зийнати.
130) Ҳушёрлик – онгнинг зийнати.
131) Қалб тозалиги – имоннинг зийнати.
132) Яхши ният – амалнинг зийнати.
133) Ҳаётбахш сўз – дилнинг зийнати.
134) Қаноатлилик – қўшнининг зийнати.
135) Йўлбошчилик – жамоанинг зийнати.
136) Тинч уйқу – хотиржамликнинг зийнати.
137) Яхши уйқу – соғломликнинг зийнати.
138) Ҳалол меҳнат – деҳқоннинг зийнати.
139) Ташаккур – инсонийликнинг зийнати.
140) Сўзда тозалик – тилнинг зийнати.
141) Тарбия – келажакнинг зийнати.
142) Ибратли ҳаёт – авлоднинг зийнати.
143) Меҳр-муҳаббат – турмушнинг зийнати.
144) Ҳурфикрлилик – замонавийликнинг зийнати.
145) Тўғрилик – ҳукмнинг зийнати.
146) Салоҳият – ёшларнинг зийнати.
147) Қувват – жасурнинг зийнати.
148) Ҳарф таниш – болаликнинг зийнати.
149) Диққат – ўқишнинг зийнати.
150) Улуғ орзу – қалбнинг зийнати.
151) Бардошлик – дарвешнинг зийнати.
152) Қайтмаслик – отанинг зийнати.
153) Вафодорлик – хотиннинг зийнати.
154) Қаноатлилик – кўнгилнинг зийнати.
155) Ишонч – оилавий муносабатларнинг зийнати.
156) Ҳамкорлик – жамиятнинг зийнати.
157) Ижодийлик – ёшларнинг зийнати.
158) Тиниқлик – кексаларнинг зийнати.
159) Тиниқ фикр – кексанинг зийнати.
160) Тарбия – ота-онанинг зийнати.
161) Тузук фикр – ёшнинг зийнати.
162) Ҳақиқатни айтиш – олимнинг зийнати.
163) Ботиний поклик – зоҳиднинг зийнати.
164) Иложсизликка чора – моҳир устанинг зийнати.
165) Чин дилдан ишлаш – яхши ишчининг зийнати.
166) Ҳурмат – барча инсоний алоқаларнинг зийнати.
167) Тузук йўл – саёҳатнинг зийнати.
168) Тартиб – пошшонинг зийнати.
169) Тезкорлик – савоб излагувчининг зийнати.
170) Мевадорлик – дарахтнинг зийнати.
171) Қанот – қушнинг зийнати.
172) Қаноатли меҳнат – ишбилармоннинг зийнати.
173) Қаҳрдорлик – ёвузнинг зийнати.
174) Умумийлик – инсониятнинг зийнати.
175) Гўзал сўз – сўзлашувнинг зийнати.
176) Устоз – илм йўлининг зийнати.
177) Савол – билим олишнинг зийнати.
178) Хотира – миллатнинг зийнати.
179) Виждон – инсон қалбининг зийнати.
180) Юздаги нур – тақвонинг зийнати.
181) Сувдаги тозалик – ҳаётнинг зийнати.
182) Яхши ният – ҳар бир ишнинг зийнати.
183) Яхши дўст – танловнинг зийнати.
184) Саҳар – ибодат вақтининг зийнати.
185) Илк қадам – болаликнинг зийнати.
186) Яхши зеҳн – ақлнинг зийнати.
187) Сузувчи булут – осмоннинг зийнати.
188) Бедорлик – ватан посбонининг зийнати.
189) Ватан – миллатнинг зийнати.
190) Қалб нури – имоннинг зийнати.
191) Савоб – ҳар бир яхши ишнинг зийнати.
192) Севги – қалб мувозанатининг зийнати.
193) Тилак – дуонинг зийнати.
194) Ўзаро тушуниш – оилавий бахтнинг зийнати.
195) Бахт – шукрнинг зийнати.
196) Ёрдам бериш – инсонийликнинг зийнати.
197) Ибратли сўз – устозликнинг зийнати.
198) Ҳушёр кўз – кузатувчанликнинг зийнати.
199) Бошқаларни тинглаш – ҳурматнинг зийнати.
200) Қариялар дуоси – авлоднинг зийнати.
(Давоми бор...)
Иброҳимжон домла Иномов
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 