Сайт тест ҳолатида ишламоқда!
02 Июн, 2026   |   15 Зулҳижжа, 1447
search icon
Aввалги сайт
O`Z РУ EN AR

Тошкент шаҳри
Бомдод
03:10
Қуёш
04:52
Пешин
12:26
Аср
17:34
Шом
19:54
Хуфтон
21:29
Bismillah
02 Июн, 2026, 15 Зулҳижжа, 1447
Aввалги сайт
#search
 YouTube

Расулуллоҳ соллаллоҳу алайҳи васаллам айтадилар

04.08.2017   24493   2 min.
Расулуллоҳ соллаллоҳу алайҳи васаллам айтадилар
  1. “Уч кишининг дуоси қайтарилмайди: адолатли имом, рўзадор то ифтор қилгунича ва мазлумнинг дуоси”(Ибн Можа, Имом Термизий ривояти). 

  2. “Уч нарсага қасам ичаман: Банданинг моли садақа қилиш билан камаймайди. Кимга бирор зулм етганида сабр қилса, Аллоҳ унинг иззат-шарафини оширади. Ким тиланчилик эшигини очса, Аллоҳ унга фақирлик эшигини очади...” (Имом Термизий ривояти).

 

  1. “Диннинг офати учтадир: Гуноҳларни қилаверувчи фақиҳ, золим имом ва жоҳил мужтаҳид” (Имом Дайламий ривояти).

 

  1. Мунофиқнинг аломати учта: агар гапирса, ёлғон сўзлайди; агар ваъда берса, хилоф қилади; агар омонат берилса, хиёнат қилади (Имом Бухорий, Имом Муслим ривояти).

 

  1. Учта дуо ижобат қилинган: Рўзадорнинг дуоси, мусофирнинг дуоси ва мазлумнинг дуоси (Ақийлий ривояти).

 

  1. Уч нарса борки, ўша нарсани ҳақлигини биламан. Бир киши зулм қилинганда афв қилса, Аллоҳ у билан азизликни зиёда қилади. Бир киши тиланчилик эшигини очса ва у билан мол-дунёси кўпайишини талаб қилса, Аллоҳ унга камбағалликни зиёда қилади. Бир киши ўзига садақа эшигини очса ва у билан Аллоҳнинг розилигини талаб қилса, Аллоҳ унга фақат кўпликни зиёда қилади (Имом Байҳақий ривояти).

 

  1. Учта фазилат борки, мусулмон кишини дунёдаги саодатидир: Солиҳ қўшни, кенг маскан ва енгил маркаб (Имом Табароний ривояти).
  2. Уч нарса омонликдир: Ичидаю устида Аллоҳдан қўрқиш, розиликдаю, ғазаби келганда адолатли бўлиш, камбағаллигу бойликда тежамкор бўлиш. Уч нарса борки, у ҳалокатдир: Ҳавойи нафсига тобеъ бўлиш, ўзига бўйсундирувчи хасислик ва киши ўзи ҳақида юксак фикрда бўлиши (Абу Шайх ривояти).

 

  1. Инсон ўзидан кейин қолдирган нарсаларнинг энг яхшиси учтадир: Дуо қилиб турувчи солиҳ фарзанд, садақаи жория, ўзидан кейин фойдаланиладиган илм (Абу Қатода ривояти).

 

  1. Учта ёлғондан бошқа барча ёлғон ёзилади: Урушда киши ёлғон гапириши. Чунки уруш ҳийладир. Киши хотинини рози этиши учун ёлғон гапириши. Икки кишини орасини ислоҳ қилиш учун ёлғон гапириш (Имом Ибн Сунний ривояти).
Ҳадиси шариф
Бошқа мақолалар
Мақолалар

Маййитни дафн қилишда нима учун “Ала миллати Расулиллаҳ” дейилади?

01.06.2026   2549   1 min.
Маййитни дафн қилишда нима учун “Ала миллати Расулиллаҳ” дейилади?

Бисмиллаҳир Роҳманир Роҳийм

Савол: Маййитни қабрга қўяётганда “Ала миллати Расулиллаҳ” дейилади. Шуни “Ала уммати Расулиллаҳ”, дейиш керак эмасми? Чунки Қуръони каримда “Миллати Иброҳим” деб, яъни “миллат” сўзи Иброҳим алайҳиссаломга нисбатланиб келади.


Жавоб: Бисмиллаҳир Роҳманир Роҳийм. Маййитни қабрга қўйишда “Бисмиллаҳ ва ала миллати Расулиллаҳ” дейилади. “Ала уммати” дейилмайди.

Бу ибора ҳадиси шарифларда шу лафзлар билан келган. Пайғамбаримиз соллаллоҳу алайҳи васаллам ва саҳобаи киромлар розияллоҳу анҳум маййитни қабрга шундай деб қўйганлар.

Бу ердаги “миллат” сўзидан этник келиб чиқиши бир бўлган инсонлар гуруҳи тушунилмайди. Балки дин, шариат, йўл деган маънолар назарда тутилади.

Бу ҳақида Абу Мансур Мотуридий раҳимаҳуллоҳ “Бисмиллаҳ ва ала миллати Расулиллаҳ” ибораси “Биз бу маййитни Аллоҳ таолонинг номи билан ҳамда Расулуллоҳ соллаллоҳу алайҳи васалламнинг шариатига кўра дафн қилдик”, деган маънони англатади, деганлар. Валлоҳу аълам.

 

Ўзбекистон мусулмонлари идораси
Фатво маркази

 

Мақолалар
#logo