19 Январ, 2026, 30 Ражаб, 1447
19 Январ, 2026, 30 Ражаб, 1447
Бўлим мудири Хомиджон Ишматбеков
|
Қабул вақтлари |
Душанбадан Жумагача |
|
Телефон рақами |
+99871 150-00-24 |
|
Электрон почта |
|
Бўлим ходимлари мўмин-мусулмонлар ҳаётига, тоат-ибодатларига доир долзарб масалалар ечимини топиш, шаръий фатволар чиқариш билан шуғулланади. Мусулмонларнинг ибодатлар ва диний аҳкомлар, никоҳ, талоқ, байъ, ҳалол ва ҳаром каби масалалар юзасидан қилган мурожаатларини атрофлича ўрганиб, тегишли фатволар беради. Бўлимнинг кейинги йилларда чиқарган бир талай фатволари ибодатларни шаръий тартибга солиш, турли бидъат ва исрофларга чек қўйиш, ихтилофлар ва ўринсиз баҳс-мунозараларига барҳам беришга қаратилди. Булардан “Шаръий никоҳдан ўтиш одоблари”, “Мусибат етган хонадонларга таъзия билдириш ва баъзи маросимлар одоби”, “Талоққа оид айрим масалалар ҳақида”, “Муборак ҳаж ибодатини адо этиш билан боғлиқ масалалар тўғрисида” каби фатволар мусулмонлар ҳаётида сезиларли воқеа бўлди. Айниқса, исломий ақидамиз софлигини сақлаш, турли ихтилофларга барҳам бериш мақсадида чиқарилган “Дин ниқоби остидаги динбузарлар”, “Жума намози ва эҳтиёти пешин ҳақида”, “Тасаввуф пирларига қўл беришдаги баъзи нотўғри ақидалар”, “Тасаввуф ҳақида” каби фатволар мусулмонлар бирлигини, жамият осойишталигини таъминлашда жуда фойдали бўлди.
Бўлим жума мавъизалари учун долзарб мавзуларда тезислар тайёрлаб, республика масжидларига етказиб беради. Ушбу тезислар тўпланиб, ҳар йили алоҳида китоб ҳолида чоп эттирилади.
Ушбу бўлимга турли йилларда Салоҳиддин Муҳиддинов, Фозил қори Собиров, Абдулазиз Мансур, Кимсанбой Абдураҳмонов, Мустафоқул Қораев, Абдуғани Исмоилов, Абдулҳамид Турсунов раҳбар бўлишган. Ҳозир бўлимни Ҳомиджон Ишматбеков бошқаряпти.
Бўлим фаолиятидан лавҳалар:
Бисмиллаҳир Роҳманир Роҳийм
Алҳамдулиллаҳ, ҳар куни эрта тонгда тўрт мучангиз соғ-саломат уйғонасиз. Кўзларингиз кўряпти, қулоқларингиз эшитяпти, қўл-оёқларингиз ҳаракатланяпти. Бунинг барчаси Аллоҳнинг марҳаматидандир. Аллоҳ таолонинг берган бу неъматларининг шукронасини қандай адо этиш мумкин?!
Бу ҳақда Расулуллоҳ соллаллоҳу алайҳи васаллам: “Ҳар бирингиз бўғин ва суяклар устида тонг оттирганингиз учун бир садақа бор. Ҳар бир тасбеҳингиз – садақа. Ҳар бир таҳмид (Алҳамдулиллаҳ) – садақа, ҳар бир таҳлил (Лаа илаҳа иллаллоҳ) – садақа, ҳар бир такбир – садақа, яхшиликка буюришингиз ҳам, ёмонликдан қайтаришингиз ҳам садақадир. Энди буларнинг ҳаммаси учун икки ракат зуҳо намоз ўқишингиз кифоя қилади”, деганлар (Имом Муслим ривояти).
Аллоҳнинг берган офият неъматига шукр қилиш уни янада зиёда қилади. Ахир офиятдан ҳам улуғроқ неъмат борми?
Аллоҳнинг берган беҳисоб неъматларининг шукри учун икки ракат зуҳо намозини адо этинг! Роббимизнинг карами кенглигини, ўта сахийлигини қаранг, бор йўғи 2 ёки 3 дақиқада адо этиладиган икки ракат намозингизни шукрона сифатида қабул қиляпти. Бундан ташқари, Аллоҳ таоло: "Қасамки, агар шукр қилсангиз, албатта, сизга зиёда қиламан" деб марҳамат қилган. Агар Аллоҳ таолонинг сизга берган офият неъмати учун шукр қилсангиз, ҳеч шак-шубҳасиз Аллоҳ сизга Ўзининг марҳамати ва фазли билан неъматларини янада зиёда қилади.
Расулуллоҳ соллаллоҳу алайҳи васаллам зуҳо намозини адо этганларга ҳаж ва умранинг савоби мукаммал ҳамда тўлиқ берилишини 3 маротаба такрорладилар. Қандай қилиб инсон осонгина ҳаракат билан шундай улкан мукофотларга эришишдан маҳрум қолиши мумкин? Аллоҳ таоло Ўзининг марҳамати ила бу амални осон қилиб қўйди. Бу намознинг адо этилиши осон бўлса-да, унда қанчадан-қанча фазилатлар бор.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа