Жорий йилнинг 20 январ куни Тошкент шаҳар Мирзо Улуғбек туманида жойлашган “Авайхон” жоме масжидига Ўзбекистон мусулмонлари идораси раиси ўринбосари Иброҳим Иномов ташриф буюрди.

Жума мавъизасида – энг катта офатларидан ҳисобланган икки иллат – ғийбат ва бўҳтон, инсоннинг бахтли ёки бахтсиз бўлишида тилнинг аҳамияти беқиёс экани, шариатимизда тилни сақлашга ҳамда унга алоқадор бир қанча одобларга риоя қилишга буюрилгани ҳақида атрофлича сўз юритилди.

Жума намози сўнгида, намозхонлар Иброҳим домла бошчилигида она-Ватанимиз тинчлиги ва осойишталигини, халқимиз фаровонлигини сўраб эзгу дуолар қилишди.

Ўзбекистон мусулмонлар идораси

Масжидлар бўлими