Joriy yilning 20 yanvar kuni Toshkent shahar Mirzo Ulug‘bek tumanida joylashgan “Avayxon” jome masjidiga O‘zbekiston musulmonlari idorasi raisi o‘rinbosari Ibrohim Inomov tashrif buyurdi.

Juma mav’izasida – eng katta ofatlaridan hisoblangan ikki illat – g‘iybat va bo‘hton, insonning baxtli yoki baxtsiz bo‘lishida tilning ahamiyati beqiyos ekani, shariatimizda tilni saqlashga hamda unga aloqador bir qancha odoblarga rioya qilishga buyurilgani haqida atroflicha so‘z yuritildi.

Juma namozi so‘ngida, namozxonlar Ibrohim domla boshchiligida ona-Vatanimiz tinchligi va osoyishtaligini, xalqimiz farovonligini so‘rab ezgu duolar qilishdi.

O‘zbekiston musulmonlar idorasi

Masjidlar bo‘limi