Сайт тест ҳолатида ишламоқда!
16 Ноябр, 2026   |   6 Жумадул сони, 1448

Тошкент шаҳри
Бомдод
05:50
Қуёш
07:12
Пешин
12:13
Аср
15:22
Шом
17:06
Хуфтон
18:23
Bismillah
16 Ноябр, 2026, 6 Жумадул сони, 1448

Эҳром

29.07.2016   17106   3 min.
Эҳром

Эҳром Ҳаж ва Умранинг энг биринчи амалидир.

  “Эҳром” арабча сўз бўлиб, луғатда “ҳаром қилмоқ” маъносини англатади.                               

 Юртимиздан борган зиёратчилар Мадина аҳли каби Зул-Ҳулайфада эҳром боғлайдилар.Умра (Ҳаж)да эҳромга кирган одам ўзига эҳромдан олдин ҳалол бўлган баъзи ишлар ва нарсаларни ҳаром қилган бўлади. Масалан, бошқа вақтларда ўзига хушбўй нарсаларни сепиши ҳалол эди. Эҳромга киргач, бу нарса ҳаром бўлиб қолади. Эҳром умра (ҳаж)нинг энг кўзга кўринган аломатидир. Бўлажак умра  зиёратчилари  ният қилиб эҳром киядилар. Эҳром умранинг ниятидир.

 Эҳромгa киpишдан олдин бажариладиган амаллар:

 -                     coч, тиpнoқ, мўйлaб вa oлиниши лoзим бўлгaн тyклap oлинади;

 -                     ғусл қилинади, имкони  бўлмаса, таҳорат қилинади;

 -                     икки пapчa oқ, янги ёки ювилгaн мaтoнинг биpи(изор)ни киндик ва тиззаларни қўшиб тўсадиган қилиб белга тутилади.  Иккинчиcи (ридо)ни eлкa аралаш айлантириб ўралади. Аёлларнинг эҳроми уларнинг сидирға (гулсиз мато) кийими бўлади. Улар учун махсус ранг белгиланмаган. Бaдaни вa эҳром кийимигa хyшбўй нapca cypтaди, аммо хушбўйликнинг ранги кийимда қолмаслиги керак. Сўнгра Зул-Ҳулайфада икки paкaт нaмoз ўқилади. Биринчи ракаатда “Фотиҳа”   сурасидан  кейин “Кофирун” сураси, иккинчи ракаатда эса, “Фотиҳа”дан кейин “Ихлос”  сураси ўқилади. Сўнгра ҳажнинг қайси турини адо этадиган бўлса, ўшанга мос ният қилинади.

 

 وَمَنْ شَاءَ الْإِحْرَامَ وَهُوَ شَرْطُ صِحَّةِ النُّسُكِ كَتَكْبِيرَةِ الِافْتِتَاحِ ، فَالصَّلَاةُ وَالْحَجُّ لَهُمَا تَحْرِيمٌ وَتَحْلِيلٌ.

 “Ким эҳромга киришни хоҳласа, ҳолбуки у (эҳром) намозни бошлашдаги  такбир каби ҳажни дуруст бўлиши учун шартдир. Намоз билан ҳажнинг таҳримаси ва таҳлили бор” (“Раддул мухтор”).

           ЭҲРОМГА  КИРИШДА ЎҚИЛАДИГАН  ДУОЛАР:

 Бизнинг ҳожиларимиз ҳам, умра зиёратчиларимиз ҳам  Мадинаи мунавварада тўхтаган меҳмонхонамизда ғусл қилиб, эҳром боғлаймиз. Зиёратчи Ҳажнинг қaйcи турини адо қилмoқчи бўлca, ўшaнгa мoc ният қилади. Macaлaн,

          Қиpoн ҳажининг нияти:

اللهم إني أريد العمرة والحج فيسرهما لي وتقبلهما مني

  ”Aллoҳyммa инний ypийдyл yмpатa вaл-ҳaжжa фa йaccиpҳyмa ли вa тaқoббaлҳyмa минний”

 Яъни,  Aллoҳим, мен yмpa вa ҳаж қилишни иpoдa қилaмaн, yлapни мeнгa ocoн қилгин вa қабyл эт”.

 Taмaттyъ ҳажининг умраси нияти, Ўзбекистонлик зиёратчилар таматтуъ эҳромига киради  ва қуйидагича ният қилади:

 Taмaттyъ ҳажининг умраси нияти:

 اللهم إني أريد العمرة فيسرها لي وتقبلها مني

 ”Aллoҳyммa инний ypийдyл умрата фa йaccиpҳо лий вa тaқoббaлҳо минний”.

 Яъни, “Аллоҳим, мeн yмpa қилишни иpoдa қилaмaн. Уни мeнгa ocoн қилгин вa мендан қaбyл эт”.

 Ифpoд ҳажининг нияти:

 اللهم إني أريد الحج فيسره لي وتقبله مني

 “Aллoҳyммa инний ypийдyл ҳaжжa фa йaccирҳу лий вa тaқoббaлҳy минний”.

 Яъни, “Aллoҳим, мeн ҳaж қилмoқни иpoдa қилaмaн, yни мeнгa ocoн қилгин вa мендан қaбyл эт”.

Ҳаж ва умра
Бошқа мақолалар
Янгиликлар

Уфадаги халқаро анжуманда Ислом цивилизацияси марказининг илмий ташаббуслари тақдим этилди

21.10.2026   61872   2 min.
Уфадаги халқаро анжуманда Ислом цивилизацияси марказининг илмий ташаббуслари тақдим этилди

2026 йил 14 октябрь куни Россия Федерациясининг Уфа шаҳрида Бошқирдистон Республикаси раҳбари Радий Хабиров иштирокида «Ислом омиллари ва қадриятлари» XVII Халқаро илмий-амалий конференцияси бўлиб ўтди. Анжуман доирасида ташкил этилган «Евроосиё маконида ислом таълимини ривожлантириш» мавзусидаги II халқаро давра суҳбатида Ўзбекистондаги Ислом цивилизацияси марказининг илмий-маърифий фаолияти ва халқаро ҳамкорликка қаратилган ташаббуслари тақдим этилди, хабар бермоқда iccu.uz.

Конференция Россия мусулмонлари Марказий диний бошқармаси, Россия Ислом университети, Ислом маданияти, илм-фани ва таълимини қўллаб-қувватлаш жамғармаси ҳамда Бошқирдистон Республикаси раҳбари ҳузуридаги Давлат ва конфессиялараро муносабатлар бўйича кенгаш иштирокида ташкил этилди. Унда Россия мусулмонлари Марказий диний бошқармаси раиси, Олий муфтий, Шайхул-Ислом Талгат Тожуддин қутлов сўзи билан қатнашди. Шунингдек, турли мамлакатлардан келган олимлар, диний ва жамоат арбоблари ислом таълими, маънавий қадриятлар ва халқаро илмий ҳамкорлик масалаларини муҳокама қилдилар.

Халқаро давра суҳбатида Ўзбекистондаги Ислом цивилизацияси маркази директорининг ўринбосари Гулнора Ғаниева иштирок этиб, Ўзбекистон Республикаси Президенти Шавкат Мирзиёев ташаббуси билан ташкил этилган Марказ фаолиятига бағишланган видеоролик ва тақдимотни намойиш этди. Унда Марказда олиб борилаётган илмий-тадқиқот ишлари, тарихий-маданий меросни ўрганиш ва уни замонавий ёндашувлар асосида тарғиб этиш борасидаги натижалар ҳақида маълумот берилди.

Хусусан, Марказда бугунги кунга қадар 800 га яқин илмий лойиҳа ишлаб чиқилгани ва уларнинг 600 га яқини амалиётга жорий этилгани таъкидланди. Шунингдек, аждодларимиз қолдирган бой илмий-маънавий меросни ёш авлодга етказиш, ислом цивилизациясининг илм-фан ва маданият тараққиётига қўшган ҳиссасини кенг тарғиб қилиш ҳамда таълим жараёнларида замонавий технологиялардан фойдаланиш муҳимлиги қайд этилди.

Гулнора Ғаниева ўз чиқишида 2027–2030 йилларга мўлжалланган Марказий Осиё ва Россия олимлари ҳамда илоҳиётшуносларини бирлаштирувчи ягона илмий-маърифий ҳамкорлик стратегиясини ишлаб чиқишни таклиф этди.

Мазкур ташаббус мутахассислар ўртасида мунтазам илмий мулоқот ва тажриба алмашишни йўлга қўйиш, қўшма маърифий тадбирларни ташкил этиш ҳамда замонавий технологиялар асосида тарихий ва маънавий меросни кенг жамоатчиликка, айниқса, ёш авлодга етказишга қаратилган.

Ўзбекистондаги Ислом цивилизацияси марказининг ушбу халқаро анжумандаги иштироки Марказнинг тарихий-маданий меросни ўрганиш ва тарғиб этиш билан бир қаторда, халқаро илмий ҳамкорликни ривожлантириш ва янги маърифий ташаббусларни илгари суришга хизмат қилувчи илмий платформа сифатидаги фаолиятини намоён этди.

Ўзбекистон мусулмонлари идораси Матбуот хизмати

Ўзбекистон янгиликлари