Сайт тест ҳолатида ишламоқда!
22 Ноябр, 2026   |   12 Жумадул сони, 1448

Тошкент шаҳри
Бомдод
05:56
Қуёш
07:14
Пешин
12:14
Аср
15:17
Шом
17:02
Хуфтон
18:18
Bismillah
22 Ноябр, 2026, 12 Жумадул сони, 1448

Агар...

29.08.2024   9326   1 min.
Агар...

Агар турмуш ўртоқни танлашда ихтиёр аёл ниятининг софлиги ва қалбининг поклиги асосида бўлганда эди, Осиё онамиз Фиръавнга турмушга чиқмаган бўлар эди.

Агар яхши аёл танлаш эркакнинг донолиги билан бўлганда эди, Нуҳ ва Лут алайҳимассалом икки хоин аёлга уйланмаган бўларди.

Агар фарзанднинг салоҳияти ёки фасоди отанинг сабабидан бўлганда эди, Озардан Аллоҳнинг халили Иброҳим алайҳиссаломдек зот дунёга келмаган ва улуғ  пайғамбарлардан бири бўлган зот (Нуҳ алайҳиссалом)нинг фарзанди кофирлар билан бирга ғарқ қилинмаган бўлар эди.

Лекин буларнинг бари баъзилар баъзилар ила синаш ва ким яхшироқ сабр қилишини билиш учун жорий бўлгандир...

Доктор Аҳмад Исо Маъсоравий

Бошқа мақолалар
Янгиликлар

15 йиллик маърифат карвони: «Hilol-Nashr» фаолияти сарҳисоб қилинди

12.10.2026   70934   2 min.
15 йиллик маърифат карвони: «Hilol-Nashr» фаолияти сарҳисоб қилинди

Тошкент шаҳридаги «Ғафур Ғулом» номидаги истироҳат боғида юртимизда соф исломий маърифатни ёйишда беқиёс ўринга эга бўлган «Hilol-Nashr» матбаа-нашриёти ташкил этилганининг 15 йиллигига бағишланган тантанали маърифий тадбир бўлиб ўтди.


Файзли анжуманда таниқли уламолар, илм аҳли, зиёлилар ҳамда кўп сонли китобхонлар иштирок этиб, нашриётнинг босиб ўтган шарафли йўли ва улкан муваффақиятлари ёдга олинди.


Рақамларда акс этган маърифат нури:

  • 13 миллиондан зиёд ададда диний-маърифий ва илмий китоблар чоп этилиб, халқимиз хонадонларига етказилди;

  • 800 дан ортиқ номдаги сара асарлар 50 дан зиёд муаллифлар билан ҳамкорликда нашр юзини кўрди;

  • Мусҳафи шариф нашри: 2018 йилда мустақил Ўзбекистон тарихида илк бор Қуръони Каримни юқори сифатда чоп этиш йўлга қўйилиб, бугунгача 7 хил шаклда 500 мингдан ортиқ нусхада мўмин-мусулмонларга туҳфа этилди;

  • Замонавий технологиялар: «Hilol eBook» электрон тизими орқали 600 дан зиёд электрон ва аудиокитоблар ўқувчилар ихтиёрига берилди.


Тадбирда сўзга чиққан устоз Исмоил Муҳаммад Содиқ домла, Ўзбекистонда хизмат кўрсатган журналист, профессор Шерзодхон Қудратхўжа, устоз Муҳаммад Айюбхон Косоний ҳамда устоз Аброр Мухтор Алий нашриёт асосчиси — фазилатли шайх Муҳаммад Содиқ Муҳаммад Юсуф раҳимаҳуллоҳнинг бой илмий меросига юксак баҳо бердилар.


Сўзга чиққанлар Шайх ҳазратнинг асарлари халқимиз маънавий ҳаётида, соф ақидани мустаҳкамлаш ва ихтилофларнинг олдини олишда мустаҳкам қалқон бўлганини, чоп этилган 13 миллион китоб миллионлаб қалбларга ҳидоят нурини олиб кирганини алоҳида эътироф этдилар.


Анжуман доирасида нашриёт тарихи ва шайх ҳазратларининг ибратли ҳаётига бағишланган «Бадр» ҳужжатли фильмининг илк лавҳалари намойиш этилди. Шунингдек, алломанинг ҳали чоп этилмаган қўлёзмалари устида илмий ишлар давом этаётгани ва улар ҳам босқичма-босқич халқимизга тақдим этилиши хушхабар қилинди.


Тадбир китобхонлар ўртасидаги викториналар, эсдалик совғалари ва энг муҳими — Қуръони Карим тиловати ҳамда юртимиз тинчлиги, халқимиз маънавий юксалишини сўраб қилинган хайрли дуолар билан якунланди. 

Ўзбекистон мусулмонлари идораси
Матбуот хизмати

15 йиллик маърифат карвони: «Hilol-Nashr» фаолияти сарҳисоб қилинди 15 йиллик маърифат карвони: «Hilol-Nashr» фаолияти сарҳисоб қилинди 15 йиллик маърифат карвони: «Hilol-Nashr» фаолияти сарҳисоб қилинди 15 йиллик маърифат карвони: «Hilol-Nashr» фаолияти сарҳисоб қилинди 15 йиллик маърифат карвони: «Hilol-Nashr» фаолияти сарҳисоб қилинди
Ўзбекистон янгиликлари