Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Agar...

29.08.2024   9329   1 min.
Agar...

Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.

Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.

Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘  payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.

Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...

Doktor Ahmad Iso Ma’soraviy

Boshqa maqolalar
Yangiliklar

15 yillik ma’rifat karvoni: «Hilol-Nashr» faoliyati sarhisob qilindi

12.10.2026   70937   2 min.
15 yillik ma’rifat karvoni: «Hilol-Nashr» faoliyati sarhisob qilindi

Toshkent shahridagi «G‘afur G‘ulom» nomidagi istirohat bog‘ida yurtimizda sof islomiy ma’rifatni yoyishda beqiyos o‘ringa ega bo‘lgan «Hilol-Nashr» matbaa-nashriyoti tashkil etilganining 15 yilligiga bag‘ishlangan tantanali ma’rifiy tadbir bo‘lib o‘tdi.


Fayzli anjumanda taniqli ulamolar, ilm ahli, ziyolilar hamda ko‘p sonli kitobxonlar ishtirok etib, nashriyotning bosib o‘tgan sharafli yo‘li va ulkan muvaffaqiyatlari yodga olindi.


Raqamlarda aks etgan ma’rifat nuri:

  • 13 milliondan ziyod adadda diniy-ma’rifiy va ilmiy kitoblar chop etilib, xalqimiz xonadonlariga yetkazildi;

  • 800 dan ortiq nomdagi sara asarlar 50 dan ziyod mualliflar bilan hamkorlikda nashr yuzini ko‘rdi;

  • Mus'hafi sharif nashri: 2018 yilda mustaqil O‘zbekiston tarixida ilk bor Qur’oni Karimni yuqori sifatda chop etish yo‘lga qo‘yilib, bugungacha 7 xil shaklda 500 mingdan ortiq nusxada mo‘min-musulmonlarga tuhfa etildi;

  • Zamonaviy texnologiyalar: «Hilol eBook» elektron tizimi orqali 600 dan ziyod elektron va audiokitoblar o‘quvchilar ixtiyoriga berildi.


Tadbirda so‘zga chiqqan ustoz Ismoil Muhammad Sodiq domla, O‘zbekistonda xizmat ko‘rsatgan jurnalist, professor Sherzodxon Qudratxo‘ja, ustoz Muhammad Ayyubxon Kosoniy hamda ustoz Abror Muxtor Aliy nashriyot asoschisi — fazilatli shayx Muhammad Sodiq Muhammad Yusuf rahimahullohning boy ilmiy merosiga yuksak baho berdilar.


So‘zga chiqqanlar Shayx hazratning asarlari xalqimiz ma’naviy hayotida, sof aqidani mustahkamlash va ixtiloflarning oldini olishda mustahkam qalqon bo‘lganini, chop etilgan 13 million kitob millionlab qalblarga hidoyat nurini olib kirganini alohida e’tirof etdilar.


Anjuman doirasida nashriyot tarixi va shayx hazratlarining ibratli hayotiga bag‘ishlangan «Badr» hujjatli filmining ilk lavhalari namoyish etildi. Shuningdek, allomaning hali chop etilmagan qo‘lyozmalari ustida ilmiy ishlar davom etayotgani va ular ham bosqichma-bosqich xalqimizga taqdim etilishi xushxabar qilindi.


Tadbir kitobxonlar o‘rtasidagi viktorinalar, esdalik sovg‘alari va eng muhimi — Qur’oni Karim tilovati hamda yurtimiz tinchligi, xalqimiz ma’naviy yuksalishini so‘rab qilingan xayrli duolar bilan yakunlandi. 

O‘zbekiston musulmonlari idorasi
Matbuot xizmati

15 yillik ma’rifat karvoni: «Hilol-Nashr» faoliyati sarhisob qilindi 15 yillik ma’rifat karvoni: «Hilol-Nashr» faoliyati sarhisob qilindi 15 yillik ma’rifat karvoni: «Hilol-Nashr» faoliyati sarhisob qilindi 15 yillik ma’rifat karvoni: «Hilol-Nashr» faoliyati sarhisob qilindi 15 yillik ma’rifat karvoni: «Hilol-Nashr» faoliyati sarhisob qilindi
O'zbekiston yangiliklari