Сайт тест ҳолатида ишламоқда!
16 Ноябр, 2026   |   6 Жумадул сони, 1448

Тошкент шаҳри
Бомдод
05:50
Қуёш
07:12
Пешин
12:13
Аср
15:22
Шом
17:06
Хуфтон
18:23
Bismillah
16 Ноябр, 2026, 6 Жумадул сони, 1448
Мақолалар

Ёлғон ва рост

25.09.2024   8901   2 min.
Ёлғон ва рост

Бисмиллаҳир Роҳманир Роҳийм

Ҳақиқат билан ростнинг ораси тўрт энлик, дейишади. Қулоқ билан кўз ораси шунча экан. Демак, кўз билан кўрмагунча қулоқ билан эшитган гапга ишонавермаслик ва у гапнинг ҳақиқатини аниқламасдан туриб бировга айтмаслик керак.

Шариатимиз кўрсатмаларида ёлғончиликка мутлақо йўл қўйилмайди. Ёлғон охири дўзахга етаклайди.

Абдуллоҳ ибн Масъуд розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Рост гапиринглар, чунки ростгўйлик эзгуликка етаклайди. Эзгулик эса жаннатга етаклайди. Киши рост гапираверса, у Аллоҳ таоло ҳузурида ростгўй деб ёзиб қўйилади. Ёлғон гапиришдан ўзларингизни сақланг, чунки ёлғон гапириш бузуқликка етаклайди. Бузуқлик эса дўзахга етаклайди. Киши ёлғон гапираверса, охири Аллоҳнинг ҳузурида ёлғончи деб ёзиб қўйилади”, деганлар (Имом Бухорий ривояти).

Шайx Кирмоний ҳазратлари айтадиларки: “Ёлғон гапирмаган, омонатга xиёнат, бўҳтон, туҳмат ва ғийбат қилмаган киши келажагидан қўрқмасин. Шу гуноҳларни қилмаган киши вақти келиб, бошқа гуноҳларни ҳам тарк этади”.

Ёлғончилик ўғрилиқдир. Ўғри молингизни ўғирласа, ёлғончи аклингизни ўғирлайди. Баъзилар фойда кўриш ё зарарни дафъ қилиш учун ёлғон сўзлайди. Ёлғон сўзлаб, фойда кўрмоқчи ё балодан қутулмоқчи бўлади. Расулуллоҳ соллаллоҳу алайҳи васаллам бундай деганлар: “Рост сўзда хатар кўрсангиз ҳам, рост сўзланг! Нажот рост сўздадир. Ёлғон сўзда нажот кўрсангиз ҳам, ёлғон гапирманг! Хатар ёлғон сўздадир”.

Абу Умома Боҳилий розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Чиройли хулқли кишига жаннатнинг энг юқорисидаги бир уйга кафилман”, дeдилар (Имом Абу Довуд ривояти)

Шаҳобиддин ПАРПИЕВ,

Асака туманидаги “Муҳаммадсолиҳ” жоме масжиди имом-хатиби.

Мақолалар
Бошқа мақолалар
Янгиликлар

Уммон Султонлигида нуфузли халқаро форум бошланди

16.11.2026   1324   2 min.
Уммон Султонлигида нуфузли халқаро форум бошланди

Шу кунларда Уммон Султонлигининг Масқат шаҳридаги "Hilton Muscat Al Bandar" мажмуасида "Масқат ҳаракатлар режаси глобал форуми" (Muscat Plan Global Forum) бўлиб ўтмоқда. Жорий йилнинг 15-16 ноябрь кунларига мўлжалланган ушбу нуфузли анжуманда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ҳам иштирок этмоқда.

Мазкур халқаро форум Бирлашган Миллатлар Ташкилотининг Геноциднинг олдини олиш ва ҳимоя қилиш масъулияти бўйича бошқармаси (UNOSAPG), Уммон Султонлиги Вақф ва диний ишлар ҳамда Ташқи ишлар вазирликлари, шунингдек, "Дин ва анъанавий тинчликпарварлар тармоғи" (The Network for Religious and Traditional Peacemakers) ҳамкорлигида ташкил этилган.

Тадбирнинг асосий мақсади камситиш ва зўравонликнинг олдини олиш, шунингдек, ўзаро мулоқот, бағрикенглик ва тинч-тотувликни кенг тарғиб қилишда амалий ёндашувларни ишлаб чиқишдан иборат.

Эътиборлиси, форумнинг асосий тадбирлари Бирлашган Миллатлар Ташкилотининг Халқаро бағрикенглик кунига (16 ноябрь) тўғри келган бўлиб, бу ўзаро ҳурмат ва тинч-тотув яшаш қадриятларини мустаҳкамлаш учун муҳим платформа вазифасини ўтайди.

Халқаро тадбирда дунёнинг турли давлатларидан келган таниқли уламолар, диний ва анъанавий етакчилар, ҳукумат вакиллари, БМТ ва бошқа йирик халқаро ташкилотлар мутасаддилари жам бўлган. Форум дастури доирасида муҳим сессиялар бўлиб ўтмоқда. Жумладан, тинчлик ва хавфсизликни таъминлашда халқаро ҳамкорлик механизмлари, нафратли нутқларга қарши курашиш ҳамда бағрикенгликни илгари суришда диний етакчилар ва оммавий ахборот воситаларининг ўрни каби мавзуларда юқори даражадаги муҳокамалар олиб борилмоқда.

Ўзбекистон вакилларининг бундай нуфузли халқаро анжуманлардаги иштироки юртимизда олиб борилаётган диний-маърифий соҳадаги ислоҳотлар, динлараро бағрикенглик ва тинчликсеварлик тамойилларини жаҳон ҳамжамиятига етказишда муҳим аҳамият касб этади. 

Ўзбекистон мусулмонлари идораси

Матбуот хизмати

Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди Уммон Султонлигида нуфузли халқаро форум бошланди
Ўзбекистон янгиликлари